المصري العتيد العترة ابن فجر ونهار

معافر مناهد في الدنيا بالشقا والاستغفار

شايل هموم الطريق والشيلة منقوصة

لا صاحب نافع ولا ونيس غير قولة الأشعار

مدد يا حي يا جبار

رفعت فأسى انجلي وفاتني وحيد حيران

ومن قنال السويس لحد القنطرة

أنا اللي شقيت القناة بالدم ليل بنهار

وتركت مالي للأغراب تنبش فيا

ورضيت بكسر العيش مرتضاش بيا

وبدرت الذرة بايدي طرح نخيل هزلان

طيف الصحاب إنزوي فاتني وحيد حيران

مدد يا حي يا جبار

حارتنا واسعة تساع الالاف

من الف صنف بالاختلاف

واحنا تملى خلف خلاف

ودى شروط الانسانية

وعيال حارتنا ماسكين سنجة

عملوا مخطط يسرقوا سرجة

وخلق ماشية وخلق صنجة

ودى مزايا الراسمالية

تلقى فى حارتنا ديوك تكاكى

وعربجية تسوق ملاكى

وسماسرة بدارة وعتاقى

ودى انفراجة الاشتراكية

المصرى العتيد العترة عايشها سٌترة

عايشها فترة

مدد يا حى يا جبار