- أخي شو بدك بالحكي، المسيحي مالازم بصير رئيس
- له يا خره له، ما بعلمي انك مالك طائفي، شو صرلك؟ ، عم تتفرج عالعرعور ما؟
- لك عرعور يلي يخلع رقبتك، اكيد مالي طائفي يا جحش، بس عم شوف الوضع من غير زاوية
- وشو هي هالزاوية يا فيثاغورث زمانك؟
- أخي المسيحية عدم المؤاخذة ومع محبتي يعني، ما بيطهروا
- وشو دخل هاي بهاي؟ الزلمة بده يصير رئيس جمهورية، مو رئيس كابرية!!
- لك شلون شو دخل يا دب، هاد الشي اساسي ومهم جداً!
- لك أخي والله فوتتني بالحيط، ممكن تستفيض بالشرح
- لك انا يلي بستفيض، سماع لقلك
- تفضل
- أخي، فريض انه بكرا، اول يوم من ايام عيد الفطر، ومتل ما بتعرف، جرت العادة عنا، وللتأكيد على اللحمة الوطنية بين الدولة و الشعب المؤمن، انه الرئيس يروح عالجامع يصلي معهم، مزبوط حكيي؟
- مزبوط، كمل..
- هلق لنفرص انه الشيخ تغاضى عن فكرة انه الرئيس ذمي وفات ع جامع للمسلمين، في فكرة كتير مهمة، من غير الممكن انه يتغاضى عنها
- يلي هي؟
- انه هاد الزلمة رئيس الجمهورية المسيحي، ماله مطهر!!!
- اي
- اي شو اي، هون رح يتنح الشيخ، ورح يحلف مية يمين، انه الرئيس ما بيصلي معه غير ما يقطشله ياه
- يقطشله ياه ههههههههه
- لك مو يقطشه كله، يقطش هالشفقة النجسة لك اخي
- اي وشو بتتوقع تكون ردة فعل الرئيس بهالحالة؟؟
- هلق منطقياً، ما رح يقدر الا يدندلوا ياه، ويخليه يقطش
- وليش فرضت انه هاد التصرف المنطقي مثلاً؟
- لك شو ليش لك دب، اي محاولة رفض، رح يتهم انه طائفي معادي للإسلام، ورح يهوج الشعب عليه، ومو بعيد يعمله ثورة سلمية مسلحة، ويطلعوا هالمتظاهرين بمسيرات غضب عارمة، بعنوان "شيتنا مقطوش، والرئيس ما عم يرضى يقطش شيته" وبيعملولك اعتصامات بالساحات بسموها " لن نرحل حتى يُقطش شيتك"
- لعما لهادرجة؟
- طبعاً، شعبنا بموضوع الدين و القطش مخه خره معلومك
- طيب يقطشه معناها
- ما هون كمان مصيبة بيني و بينك، يعني هنيك رح تكون مصيبة داخلية بين بعضنا، بس اذا قطشه رح تصير سيرتنا على كل لسان.
- كيف؟؟
- أخي بيجي هالشيخ، بيقله سيدي الرئيس دندله بمعيتك خلصنا، بدنا نصلي ونروح نزور قبر الحجة، بيقوم الرئيس بيدندله، وبيجي الشيخ بيقطشله ياه
- ممتاااااز
- لك شو ممتاز لك اخي، مو ممتاز منوب منوب
- لك ليييييش؟
- انسيت انه التلفزيون بيكون عم يصور؟
- لعما اي والله شلون ما خطر عبالي هيك شي
- وتخيل العربية والجزيرة يستلموا التغطية، وخود ع شهود عيان عم تحكي عن شيت الرئيس، وعلى كذب و تدليس، الجزيرة بتعمله طوله 5 سم، والعربية بتقلك قطش شيت الرئيس من لغلوغه، وبتتحول القضية لمجلس الأمن والأمم المتحدة، وخود على قلق بان كيموني ع شيت الرئيس، واعلامنا بينحرج، وببضطر يغطي الحدث وبينزلك غزل بشيت الرئيس، وببجبلك الشعيبي هو وفلاشته، يلي عليها افلام لشيت الرئيس الأمريكي والسعودي والتركي ويهدد بفضحهم و ....
- لك خلص خلص وجعتلي شيتي من كتر ما حللت
- يعني اقتنعت بفكرتي؟
- طبعاً، أخي والله المسيحية على العين و الراس، بس الأمن القومي أغلى و أعز
- تماماً بري عليك
- صبلك شاي؟
- صب أخي صب ..

* نشرت هذه التدوينة لأول مرة على صفحتي على الفيسبوك بتاريخ 02-05-2014