انا ادري انه غرك القال والقيل
وكثرت عليك علوم راع النميمه
لكن ترى ماعاد لي للصبر حيل
ولا عدت اطيق المهزله والظليمه
صحيح اجابه صدمة الوقت واشيل
والصبر مفتاح الفرج والغنيمه
واحاول ادور للأعذار تعليل
واقول ما ينسى نديمي نديمه
لك بين ريضان الحنايا مداهيل
ولك بالحشى حشمه وشيمه وقيمه
خوذي كلام اللي ليا قال ما يميل
وخلي كلام اهل العقول السقيمه
يا وردت(ن) مالت على ضفة النيل
يهبها ريح العبير ونسيمه
انا احتدملك وانثني واسرج الخيل
واعنلك واكرب شداد ريمه
ترسل وانا مانيب يم المراسيل
الوضع سيء والنوايا مقيمه
رسايلك توحي بقطع المواصيل
الله يبيح اللي رعاك ويديمه
ماهو كذا تقفي وذودي مباهيل
وتهل دمعك مثل دمع اليتيمه
جرحتني توك وانا جرحي محيل
وهزمتني وانا ماعرف الهزيمه
لا واللذي منعم عليك بنعيمه
إن رحت عني جعل دربك تساهيل
وإن جيتني غالي وقدر وحشيمه
طبعي كذا ماركض خلاف الاقاويل
وحسيبنا محيي العظام الرميمه
* محمد بن مريبد ✨
