الحكومه شالت اول واحد يقول الحقيقه علشان الشعب عاوز كده مع ان احنا عارفين ان ربنا خلق الدنيا طبقات و مش هينفع ان الطبقات دي تختلط ببعضها لان العرب اتربوا على الفكر القبلي و الولاء للسلطه والمال و ده كله بسبب ارتباط الابناء باهاليهم لحد اما يقرروا ازاي وامتى ومين اللي هيسلموه البضاعه فطبيعي ان اللي اتجوز بنت وزير لازم يكون ابن وزير فيقوم صاحب الوزير يعين ابنه ظابط او ووكيل نيابه او رئيس مجلس ادارة شركة او مصنع كبير علشان هو كمان يجامله في جوازة بنته من ابن راجل اعمال كبير حتى لو حرامي بس المهم ان المصلحه بتحكمنا فيفضل في فصل تام بين الطبقات وده بسبب اننا بندعي التحرر واحنا اصلا مربوطين بسلاسل في الارض عمرنا ما هنتفك منها
بس العجيبه بقى اما تلاقي شاب يسافر في المجتمعات الغربيه (الكافره يعني) ويفضل بنفس افكاره المتخلفه ويقولك هما ليه بيقاوموا حريتنا يا شيخ اتلهي ده انت بالنسبالهم جي محمل بكل الامراض المستعصيه وهما من حقهم يخافوا على نفسهم من العدوى!
احنا لو اقتنعنا ان العيب فينا يمكن ساعتها بس هتكون القيامه قامت !!!
احنا شعوب متخلفه من تحت رجليها لحد شعر راسها وبنفرح اوي لما نكون امه عددها مليار ونص واحد ويجي واحد كل ١٠٠ سنه ياخد من عندنا جايزة نوبل ومابنخدش بالنا ان الغرب بياخدوا نوبل كل سنه
واحنا يا دوب ناخد نوبل واكس بتاع الصابون واهو كله بيطلع في الغسيل
نضفوا عقولكم هتنضف دنيتكم
