"" النساء تقراء اخر المقال كاملا لانه هيكون مهم ليهن جدا ""
فى ظل الظروف الاقتصادية المختلفة يحاول الجميع زيادة دخله عن طريق اعمال جانبية مختلفة سواء كانت تجارية او خدمية، ايضا عديد من النساء اليوم يحاولون اقتحام عالم الاعمال و التجارة من بوابة انستقرام او غيرها لزيادة دخولهن و تحقيق استقلال مادي.
ما سنناقشه اليوم هو كيفية اقتحام سوق العمل الحر و تتحرر من قيود الوظيفة بل تحول دخلك لان يكون بالدولار ، ايضا يساعد من لا تسمح ظروفهم بالتنقل الكثير او بذل المجهود الضخم او الالتزام بمواعيد دوام محدد.
من الاخير دوام بحرية و انت ملك نفسك و تتعلم مرة بسرعة و راتبك بيكون دولاري
العمل الحر اللى الكل سمع عنه قبل كده بس محدش خد فيه خطوات جادة للاسباب الاتية اللي هحاول اجاوبها:
١- كيف ابدا ؟ ايش اسوي ؟ من يرشدني و يساعدني ؟
٢- الموضوع مجهد جدا و متعب ممكن معرفش اجيب شغل لنفسي ؟
٣- انا شغلى مش مطلوب !!!!!
١- البداية
معلومة مهمة جدا انك لازم تكون مستقل و بتعرف تنظم وقتك و تبحث عن المعلومة لان ده هيكون نظام حياتك لفترة كبيرة فمينفعش تقول عايز حد يشرحلي و انت عندك يوتيوب و كورسيرا و يدومي، دور و ابحث و عافر و انت هتلاقي الطريق بس لازم تتعود علي الالتزام.
لازم تعرف انت متميز في ايه و هتشتغل ايه كفريلانسر - مش لازم تسويق و اعلامي بس يعني :))))) العمل الحر في مجالات كتير و وظائف ليست موجودة في الدومات العادية. محتاجيين نقول ان تعلم اللغة الانجليزية مهم جدا جدا جدا بل بيفتح افاق انت مش هتتخيلها ابدا و بدونها انت كالاعمي في مدينة الاضواء.
- لو لقيت نفسك محتاج انك تعلي من امكانياتك مهاراتك فالمواقع الاتية اشهر مواقع عشان تعلم نفسك و تعلي مستواك:
http://www.extension.harvard.edu/
https://www.class-central.com/
٢- الموضوع مجهد جدا و مش عارف اجيب شغل
طيب مبدايا كده لو هتتعب من الاول و هتتدلع فبلاش احسن و خليك موظف مصدر دخله الوحيد الوظيفة و اتكرف كل يوم او خليك بالمنزل تدور دوام و ان حصلت فراتب قليل و كرف، لازم تعرف ان مفيش حاجة في الدنيا سهلة خاصة لو هتجيب فلوس و لا يجازي غير المتميز القوي في المجالات النادرة، فاستهدي بالله و شد حيلك و شمر و اشتغل و الموضوع بياخد وقت.
طيب انت محتاج تعرف انت ازاي تجيب شغل - زي المبيعات كده - و ده ممكن تلاقيه من علي اليوتيوب و قناة اب ورك عاملة شغل لطيف ممكن تشوفه من هنا https://www.youtube.com/…/UCvxGFOnwUBDHHcxuPqhe4CQ/playlists
ارجوكم خلي بالكم ان مستواهك المهني مش بالضرورة يكون مناسب للعمل علي المستوي الدولي اللى المنافسة فيه مشتعلة و فيه متخصصيصن كتير فدور علي وسيلة تقيس مستواك لنفسك قبل ما يكون للعملاء و مفتاح التميز دايما في التخصص و التفرد يعنى اللى متخصص في التسويق علي تويتر احسن بكنير من اللي كاتب سوشيال ميديا ماركيتنج او تسويق رقمي.
الموضوع بيكون مؤثر فيه انت كلمت كام عميل، زي المبيعات بالظبط فعلي قد ما تتحاور و تنشر عروض على قد ما نسبتك في العمل تزيد فديه روابط اهم مواقع العمل الحر:
https://www.peopleperhour.com/
http://www.freelancewritinggigs.com/...
٣- انا شغلى مش مطلوب
ديه اسطورة مش موجودة نهائي، كل حاجة مطلوبة بس بمستوي جيد و بادلة تثبت للعميل انك تستطيع عمل الشغلانة و هي نقطة مهمة. لازم يكون عندك ادلة و حجات تثبت بيها للعميل انك كويس و هتعرف تعمله الشغلانة و ديه بتختلف من شغل لشغل. قدرتك علي المحاورة و الاقناع مهمة برده و ديه هتعرفها من الرابط بتاع قناة ابورك علي اليوتيوب.
متحجمش نفسك في الوظائف زي اللي في لشركات لان سوق العمل الحر في تنوعه اضخم و اكبر بكتير جدا فدور و شوف، عموما ديه بعض اسامي شغلانات مطلوبة بشدة:
Content marketers
User experience designers
DEVELOPERS
Virtual assistants // Admin Support // Assistance
Teaching and Tutoring
Search Engine Optimization or SEO, SEM
Branding
3D Modelling and CAD
Game Development
Translation
Web Research
Article and Blog Writing
Customer Service
Social Media Coordinator and Community Manager
Customer Service
Audio and Video Production
Data Entry
Architecture Services
HR Services and consultations
Logo Design and Illustration
هل لو انت مش حاجة فدول تفقد الامل :( لا طبعا لان ديه اكتر الحجات المطلوبة لكن في غيرها كتير و خليكوا فاكرين ان ديما ممكن/لازم تتعلم حاجة جديدة عادي.
** الستات **
خلونا نقول ان نتيجة لظروف الستات من جواز و مسئولية بيت و اولاد و غيره فبيكون عملها بره البيت و الموصلات شيء متعب جدا و غير منتظم ، المشكلة ان كل ده بيكون علي رواتب تافهة في الاخر فلماذا لا تستكشفوا العالم ده خاصة انه ممكن يكون طوق نجاة ضخم.
الستات فيهم ميزة ان قدرتهم علي التعلم و الالتزام اعلي شوية و الشغل كفري لانسير هيعلي من مستوي مهارتكم جدا و هيعلمكم كل يوم شىء جديد و دخله ممتاز
الخاتمة:
نرجع و نقول ان في النهاية اهم شيء هو الاصرار ثم الاصرار ثم الاصرار و ما نيل المطالب بالتمني، ديه مش بس فرصة لعمل جديد بدخل جيد بس كمان فرصة لتعلم مهارات جديدة قوية، بعد فترة من الخبرة و الشغل ممكن تبقي موظف عن بعد مع احدى الشركات بمرتب شهري (اللي اكيد هيكون احسن من مرتبك المصري حاليا).
اتعلم، تخصص، قيس مهاراتك، اقرا عن عالم العمل الحر، قدم علي شغل في كل حته و ربنا هيكرمك باذن الله.