عايزك تسرح بخيالك كده  لإسبوع فات ، وحاول تفتكر  المواقع الإلكترونيه اللي إنت زورتها ، أو صفحات الفيسبوك اللي تابعت منشوراتها ،

وحتي لو منشوراتها ماوصلتش للتايم لاين عندك ، رحت وعملت بحث عن الصفحة ، ووصلتها وشفت الجديد فيها ..

طيب حاول تفتكر  إنت متابع كام أكونت علي إنستجرام ، أو تويتر ،  أو أشخاص معينين علي سناب شات ، وبتحاول ماتفوتش  الفيديو بتاعهم  ،

أو حتي جروب معين علي فيس بوك ، متابع مشاركات اعضاء فيه بإستمرار..

الملاحظات اللي عايزك تاخد بالك منهم هنا ..

هو إن الحاجات اللي إنت متابعها دي ، إسمها إهتمامات - interests ، هتلاقي كل واحد فينا كده وغيره كتير من المهتمين زيه بالحاجات دي ..

الإهتمامات دي بتاخد شكل تجمعات علي الإنترنت  .. 

كل مجموعة ليها نفس الإهتمامات ، أو إهتماماتها مشتركة  بنسميها community ..

طيب سؤال هنا يطرح نفسه ،

ليه أصلا إنك تبني community مهم البيزنس بتاعك علي الإنترنت ..

مبدأيا الcommunity building بيبقي حول البراند ، وليس عن البراند .. 

وده فرق كبير جدا ..

بمعني  البناء حول الإهتمامات المشتركة لجمهورك المستهدف ، وتكون هذه الإهتمامات يقدر البراند بتاعك يعبر عنها في مجال تخصصه  ، أو زي ما بنقول relevant بالبراند . .

ممكن أتكلم عن الفكره أكتر في تدوينه منفصله ..

لكن اللي عايز أختم بيه المقاله .. هو إن الطريقة دي في

الماركتينج ، بتساعد البراند في إنه يكون ليه جمهوره اللي بيحبه ومرتبط بيه ، ومستني أي محتوي يقدمه ، وبتخلق حالة إهتمام وإرتباط نفسي تصل لدرجة التعصب للبراند  ، زي مابنشوف في أبل مثلا كنموذج ..

كمان نقدر نقول إنها بتحمي البراند من المنافسه ، لأن لما يكون فيه ولاء من جمهورك ليك بسبب إرتباطهم بيك عن طريق الcommunity بتاعك ، مش هتخاف من المنافسين لفترة طويله ..