من هو المَهدي وما علاقته بعيسى ابن مريم وما حوار المسيح الدجال ويأجوج ومأجوج؟ ..

المَهدي هو خليفة راشد من نسل الحسن بن عليّ وفاطمة بنت رسول الله .. يعني من نسل النبي .. اسمه محمد برضه .. ربنا سيستعمله كي يملأ الأرض بالعدل بعد ما انتشر فيها الظلم وسيُصلِحُهُ للخلافة والقيادة في ليلة.. 
قبل خروجه سيحدث قتال بين ٣ أولاد خلفاء أو ملوك على كنز العرب (يُقال كنز عند الكعبة وقيل الكنز هو الخلافة نفسها) ولن يحصل عليه أحد منهم .. بعدها سيخرج المهدي من المَشرِق وفي ناس سيؤيدوه على الحق والجهاد وراياتهم لونها أسود مثل راية النبي «اسمها العُقاب» .. الناس سيبايعونه على الخلافة عند الكعبة .. بين الرُّكن والمَقام .. في وقتها هناك جيش من الشام سيخرج كي يحاربه (تخيلوا حتى المهدي لما يظهر في ناس هتحاربه من المسلمين) وأول ما يوصلوا عند صحراء بين مكة والمدينة، الأرض ستُخسف بهم فوقتها هيتعرف إن ده المهدي والمسلمون العُبَّاد والصالحون من أهل الشام والعراق هيروحوا كي يؤيدوه ويجاهدوا معاه .. 

في عهده الخير سيَعُم والماشية ستكثر والمال سيزيد ويتوزع على الناس بالأكوام من غير ما يتعد لدرجة أن الرجل سيطلب منه مال فيعطيه لحد ما يجيب آخره .. 

النبي وصفهولنا .. 
جبهته واسعة وعريضة وأنفه طويل دقيق ومُدبب وبه انحناء بسيط في المنتصف .. سيحكم لمدة ٧ أو ٨ سنين والمسلمون سيصلون عليه ويدفنوه .. 

#الدجال سيظهر في زمن المهدي .. وعيسى بن مريم سينزل في زمنه .. ويأجوج ومأجوج سيخرجون على الناس بعد قتل عيسى للدجال .. 
 أحداث رهيبة وسريعة سأتكلم عنها الآن وفي الأيام المقبلة.. 
طبعًا: كلام الشيعة عن المَهدي كله محض تخريف لا يؤخذ به، لأن المهدي له أوصاف وعلامات وأحداث ستحدث في زمانه ومنها أنه سيصلي إمام بعيسى بن مريم لما ينزل .. طبعا في ناس زعموا انهم المهدي قبل كده وكلهم كذابين .. لازم نفهم أننا كمسلمين مش هينفع نركد وننتظر المهدي.. لأ احنا نعمل عادي ونحاول لحد ما ربنا يرزقنا بيه .. 

نيجي بقا للمسيح الدجال 👇🏻

#المسيح_الدجال هو أعظم فتنة على الإطلاق ولا يوجد نبي إلا وحذر قومه منه لدرجة أن النبي أمرنا نستعيذ بالله من فتنته في آخر كل صلاة .. هو من جنس البشر ولكن ربنا أعطاه قدرات خاصة ليست عند غيره كاختبار للناس ولإيمانهم .. معظم الناس فاكرة أن اسمه المسيح عشان بيدَّعي انه المسيح عيسى وده خطأ .. قيل أن المسيح علشان عينه الشمال ممسوحة.. يعني أعور .. وقيل علشان بيمسح الأرض كلها (يعني بيتنقَّل فيها) بسرعة .. ودجال علشان كذاب وبيدَّعي أنه ربنا .. ومعاه فتن عظيمة

 .. من عِظم خوف النبي علينا كان بيقول: «إن يخرج وأنا فيكم .. فأنا حجيجُه دونكم .. وإن يخرج ولستُ فيكم .. فكل امرؤٌ حجيج نفسه .. واللهُ خليفتي على كل مسلم» .. 

الأحداث قبل خروج الدجال مهمة .. أهل الحق من المسلمين سيذهبون على بلاد الشام ويتجمعون فيها من كل مكان لأنها ستكون معقل المسلمين وقتها .. العمران سيقل في مدينة الرسول والناس سوف تتركها .. ويزيد في بيت المقدس .. وسيحدث ملحمة كبرى بين المسلمين والروم (بعد معارك تانية قبل كده) عند مكان اسمه دابق قريب من حلب .. المسلمون سيخرجون من الغوطة (دمشق) وينتصرون بعد ما يموت منهم عدد كبير وبعدين ينطلقون على القسطنطينية فيفتحوها .. وهم بيقسمون الغنائم ومعلقين سيوفهم على أشجار الزيتون .. الشيطان سيصرخ فيهم أن الدجال ظهر الحقوا نساءكم وأولادكم (وهيكون بيكذب وقتها) .. 

فسيتركون ما بأيديهم ويذهبون إلى الشام بسرعة .. وساعتها الدجال سيظهر .. 
تفاصيل الملحمة كثيرة جدا وبحاول أختصرها هنا .. قبل خروج الدجال الناس ستتوقف في الكلام عنه وعن سيرته على المنابر .. الفتوحات ستنتشر في جزيرة العرب وفي بلاد الفرس والروم وسنرجع لزمن الخيول والسيوف كما ورد في الأحاديث .. 

_____
هنا الكلام مبسط ومختصر قدر الإمكان للناس اللي بتوه بالمجلدات ومعندهاش وقت تقرأ وتسمع وتشاهد
وللاستزادة عندكم كتاب: البداية والنهاية.

يتبع..
- دُعــاء.