وصلنا المقال اللي فات إن أرض كنعان بقى اسمها أرض فلسطين وإن بني إسرائيل لسه زي ما هما قاعدين في مصر وفرعون عمال يذلهم ويقتل أولادهم ويستحيي نساءهم. فربنا بعث لبني إسرائيل سيدنا موسى، بس قبل ما أبدأ في قصة سيدنا موسى، احنا مؤمنين بسيدنا موسى وسيدنا عيسى وسيدنا محمد، فزي ما احنا مؤمنين إن القرآن كتاب سماوي وإن كلام ربنا، فاحنا مؤمنين برضه إن التوراة أو الألواح اللي نزلت على سيدنا موسى ده كلام ربنا، هما اللي حرفوها بعد كده.
(وكتبنا له في الألواح من كل شيء وموعظة وتفصيلا لكل شيء).
طبعا كلنا نسمع عن العشر وصايا اللي نزلت على سيدنا موسى في الألواح اللي هي في الديانة اليهودية بتاعتهم.
1- لا يكن لك ألهة أخرى إلا الله.
"زي عندنا لا إله إلا الله".
2- لا تصنع لك تمثالا ولا صورة ما مما في السماء من فوق وما في الأرض من تحت، ولا تسجد لهن ولا تعبدهن، لأني أنا الرب إلهك إله غيور.
" يعني متعملش تمثال أو صنم وتعبده عندنا برضه".
3- لا تنطق باسم الرب إلهك باطلا.
"يعني متحلفش بالله كدب، عندنا برضه".
4- ستة أيام تعمل وتصنع جميع عملك وأما اليوم السابع ففيه سبتٌ للرب إلهك ولا تصنع عملا ما أنت وابنك وابنتك وعبدك وأمتك وبهيمتك لأن في ستة أيام صنع الرب السماء والأرض والبحر وكل ما فيها واسترح في اليوم السابع لذلك بارك الرب يوم السبت وقدسه.
"ده كان حكمه وقتهم الاسبوع 7 أيام وبيشتغلوا 6 أيام ويستريحوا يوم الأجازة وكان يوم السبت، وده اتغير بعد كده وبقى يوم الجمعة، وربنا بيقولهم خلق كل حاجة في ستة أيام وعندنا آية بنفس المعنى."
5- أكرم أباك وأمك لكي تطول أيامك.
"بر الوالدين".
6- لا تقتل.
7- لا تسرق.
8- لا تشهد على قريبك شهادة زور.
9- لا تزني.
10- لا تشتهي مال أو بهيمة أو أرض قريبك.
"هما اشتهوا أرض قريبك". 
دول العشر وصايا اللي نزلوا على سيدنا موسى في التوراة عندنا نفس الكلام وفي الإنجيل نفس الكلام.
(الرب واحـد فالقواعد والأساسيات ثابتـة).
ولكن هيفضل ليوم القيامة النصارى أقرب للمسلمين من اليهود.
"ولتجدن أشد الناس عداوة للذين ءامنوا اليهود والذين اشركوا ولتجدن أقربهم مودة للذين ءامنوا الذين قالوا إنا نصارى ذلك بأن منهم قسيسين ورهبان وأنهم لا يستكبرون".
نعود لقصتنا بالجزء القادم..
#يتبع...
- دُعــاء 
