"من بات آمنا في سربه معافى في جسده .. عنده قوت يومه فقد حيزت له الدنيا بحذافيرها " 


عايز ايه تاني اكتر .. ؟ .. 


والله لو بتبص لحاجه غير كده يبقى انت بتبص تحت رجليك .. 

ارجع للحديث تاني وتخيل نفسك فاقد حاجه من التلات حاجات ده .. 


لو مفيش أمان في بلدك .. 

متخيل انك تصحى على صوت انفجارات وتدمير وخراب وناس بتصوت وناس بتموت .. 


لو كنت فاقد الصحه .. 

متخيل انك تصحى على السرير الأبيض وتنام عليه وناس حواليك لا يملكو لك نفع ولا ضر .. وأجهزه الله اعلم هتكون سبب في حياتك ولا موتك .. وعايش مستني ان يقضي الله فيك وكاتم صرخات الألم جواك ..


لو معندكش قوتك اليومي .. 

متخيل انك ممكن تكون زي خواتنا المسلمين في المجاعات .. 

مفيش حاجه تدخلها بؤك .. وهتعيش على امل ولهفه ان سياره مساعدات تدخل بلدك او حد يشفق عليك ايا كان ويديك كسره الخبز 


الرساله ده بوجهها للكل عامه .. 

وللناس الي فاكره ان اجازتها بئيسه لمجرد انها مراحتش تصيف ولا مسافرتش ولا معملتش اي نشاط خصيييصا الرساله ده ليكم ..


النعم بين ايدينا وبنتقلب فيها ليل نهار .. بس احنا اللي على ابصارنا غشاوه .. وبنبص لشيء الي فاقدينه ومش بنبص للشيء اللي عندنا .. 


لو الحديث ده بين عنيك دايما .. هتحس انك اغنى الناس .. 

وابدا ابدا ما هيفرق معاك ناس تطلع وناس تنزل ودنيا بتتغير ... 


انت معاك اغلى حاجه مجانيه من عند ربنا 💕💞


الحمدلله دائما وأبدا 🌱⚘🌸