سبحان الله في ناس .. 

مهما تحصل معاها كوارث في حياتها ومصايب ومطبات .. 

تحس انهم حالفين ميه يمين ميرجعوش لله ولا للطريق الصح .. 

طيب ما هو لو واحد مش مصدق او مش مستوعب ان الدنيا اختبارات وبلاءات وكل يوم احنا في امتحان .. 

يبقى احيانا بيجرب عملي .. 

زي ما كل الأقوام السابقين ما كانوا مصدقين العذاب والوعيد .. 

ولكن اذاقهم الله ذلك الكأس وبلا رجعه .. ومفيش ندم ولا عوده

بس المفروض اصلا اننا نصدق بدون ما نجرب عملي ونستسلم لله بدون ما يسلط علينا بلاءاته .. 

بس في ناس بتحب تشوف قدامها البلاء .. وبيكون نقطه تغيير مهمه في حياتها .. 

ده بيقكرني بقصه انسانه كنت على علاقه بيها .. طلبت من الله ان يريها آيه عشان تتوب من تبرجها وسفورها .. 

فأذاقها الله أشد البلاءات وهو وفاه زوجها بجانبها وأراها سبحانه كيف تكون سكرات الموت وكيف تخرج الروح وحاله الإنسان وقتها .. 

ولكن فعلا ده كان بمثابه التغيير بالنسبه لها .. احتشمت وتسترت وانتقبت كمان .. سبحان الله 

ده فايده البلاء لما يغير انسان ..

العجيب ان في ناس ولا بيغير فيهم شيء .. 

يبتلى بأشد البلاءات .. بل ان روحه ممكن تكون متعلقه بين الموت والحياه وفي حاله يرثى لها .. 

وبردو بيرجع تاني ويعيش زي ما كان بل أشد عتوا وطغيانا وتكذيبا وانحرافا ..

يعني ازاي انسان يطلع من حادث كان هيودي بحياته مثلا .. وجلس في المستشفى شهور قبل ما يتعافى بفضل من الله ومنه وكرمه .. ربنا الي اسبغ عليه النعم ظاهره وباطنه وأتم شفاؤه من بعد ما رآى الموت بعينيه .. ويرجع تاني بقوه ويزيد في معدل الذنوب مع التنوع فيها .. 

 الناس ده المفروض تقلق على نفسها اووي .. لأنها عماله تستنزف فرص مش هتتكرر كتير .. 

عداد العمر شغال .. فياريت كل دقيقه تخاف عليها .. 💔

يمكن ربنا بيهدي بيهم ناس تانيه زيهم مكنوش مصدقين .. 

بس هم نفسهم قلوبهم ايه ؟! 

ده اكبر دليل فعلا على ان الهدايه من عند الله .. مش بكيف حد انه يهتدي .. 

دايما ادعي ربنا "اللهم ردنا اليك ردا جميلا" .. 

يعني بدون مصايب وبلاءات نرجع لربنا ونتوب ونهتدي .. 💔💔

#كتابات_عشوائيه