مشكلتنا احنا المسلمين ضعيفي الإيمان اننا بنخلط بين أمور الدين والدنيا .. فبنألف دين على هوانا وبنفهم الدين على هوانا .. مش زي ما انزل من عند الله او زي ما قال رسول الله صل الله عليه وسلم .. 

وكل حاجه بنحكم عليها بهوانا وطيبتنا وقلبنا .. بس للأسف الدين مش كده .. 

الدين مش متفصل على هوى حد .. الدين ثابت وصالح لكل زمان ومكان .. 

ماهو الي يناسبك اكيد مش هيناسبني  . يبقى كده مش هنخلص 

وكل واحد هيبقاله دين واله يعبده .. ولما نختلف هتجيبلي ادله من هواك واجيبلك ادله من هوايا .. 

ومش هنتفق ابدا طبعا .. 

بس لو احنا الاتنين جبنا مصحفين وفتحناهم هنلاقي نفس القضيه المختلف عليها بنفس الحل .. 😊 يبقى كده وصلنا لنقطه تلاقي .. 

أذكر في قصه اسلام الداعيه الكبير العالمي الشيخ "يوسف استس" 

انه كانت قصه اسلامه كلها بسبب ايه تتخيلوا؟ 

بسبب انه اتصدم ان المسلمين ليهم كتاب واحد بس بيقرأ في مشارق الأرض ومغاربها .. بنفس اللغه بنفس المعنى 😊 

في حين انه كان شايف انه كل قس عندهم عشان هو نفسه كان قسيس كبير .. كل واحد ليه انجيل .. ولما كان بيحاول يقنع مسلم انه يتنصر فشل طبعا .. ليه ؟ 

لأنه فكر بس للحظه ازاي هقنعه ومن اي انجيل هكلمه ؟ 

يبقى اكيد الدين ده واهي وملهوش اساس اذا كل واحد ليه مرجعيته الخاصه بعقله 😊 

وهداه الله للإسلام .. 

عشان كده المرجعيه بتاعتنا لازم تكون واحده وهي الدين الثابت الممنهج الذي نزل من عند الله في القرآن والسنه .. 

اي شيء تختلف عليه ارجع للدين هتلاقي الجواب الشافي 🤗 بلاش حكم المشاعر واحساس القلب الي بنستخدمه في كل حاجه .. 

وبلاش شغل استفتي قلبك .. لأن في نفس اماره بالسوء وفي شهوه بتخليك تنحرف عن الصح ..  

الحمدلله الذي هدانا لهذا وما كنا لنهتدي لولا ان هدانا الله 

الحمدلله الذي لم يكلفنا الضياع في متاهات العقائد وخلقنا موحدين بالفطره .. 

فاللهم الثبات 💕

#كتابات_عشوائيه