منقول ومنطقي لاني شيفاه بيتحقق بعيوني
هل تملك مصر و الرئيس رؤية و خطة اقتصادية؟
نعم.
طيب ممكن حد يشرح ببساطة علشان نفهم ؟
حاضر.
عايزين نتخيل ببساطة أن الرئيس السيسى فى أول يوم تولى الحكم اجتمع مع أكبر خبراء اقتصاد فى مصر و العالم و قرر انه يتعرف على الوضع الاقتصادي لوضع خطة لنهضة اقتصادية لمصر و رفع مستوى معيشة الشعب و مستوى الخدمات.
الرئيس يسأل
السؤال الأول أين مصر اليوم اقتصاديا فى يونيو 2014 ؟
يا ريس الناتج المحلى الإجمالى لمصر 331 مليار دولار فى السنة.
ياريس الإنتاج المصرى 65 مليار دولار فى السنة .
يا ريس بنصدر ب 19 مليار دولار فى السنة.
يا ريس بنستورد ب 60 مليار دولار فى السنة.
ياريس بتزيد 2.6 مليون نسمة فى السنة.
الرئيس
بس ده وضع سىء جدا ... طيب ايه اللي مطلوب علشان نوفر حياه كريمة للشعب المصري و نصبح دولة محترمة فى المنطقة و العالم؟
المطلوب الإنتاج لازم يرتفع عن 65 مليار ده إنتاج ضعيف و سىء و غير كافي ل 90 مليون نسمة.
الرئيس:: يعنى المفروض يبقى كام؟؟
يا ريس يعنى زى الدول المحترمة اللى قريبة مننا فى عدد السكان مثلا إنتاج تركيا 195 مليار دولار و كوريا الجنوبية 325 مليار دولار و ايطاليا 1000 مليار دولار.
الرئيس :: يااااه ده فرق كبير اوى يعنى أقل حد تركيا و بتنتج تقريبا 3 أضعاف إنتاجنا.. مش مهم ... احنا لازم على الأقل نوصل بإنتاجنا زى تركيا على الأقل. .. ايه المطلوب ؟؟؟
يا ريس القاعدة الاقتصادية البسيطة فى العالم كله بتقول ان كل 100 دولار استثمارات تنتج 20% يعنى 20 دولار إنتاج.
و علشان نوصل ل 190 مليار إنتاج
مصر تحتاج 750 مليار استثمارات .
الرئيس خلاص ... انا هاتصرف .. انا هاجيب دول و مستثمرين يدخلوا 750 مليار دولار استثمارات ..
اسفين يا ريس ما ينفعش....
الريس :: انتوا بتهرجوا .. يعنى ايه ما ينفعش ..
يا ريس مصر لا تملك البنية التحتية التى تتحمل 750 مليار استثمارات و لا تملك البينية التشريعية و لا القوانين التى تسمح بدخول 750 مليار استثمارات و لا تملك عمالة مدرية تخدم 750 مليار استثمارات .
ياريس مثلا فى مجال الصناعة مصر تمتلك حوالى 6700 مصنع رسمى و غير رسمى و علشان نوصل بالإنتاج ل 190 مليار دولار محتاجين فى مجال الصناعة مش اقل من 40 الف مصنع.
ياريس مصر ليس بها طرق كافية تتحمل نقل المواد الأولية لهذا العدد من المصانع و لا لنقل إنتاج هذا العدد من المصانع و لا الموانئ القادرة على استيعاب احتياجات 40 الف مصنع و لا تصدير منتجاتها و لا نملك طاقة و لا غاز و لا كهرباء تشغل 40 الف مصنع . النور بيقطع فى البيوت لسة يا ريس....
و فى مجال الزراعة نفس العجز فى البنية التحتية و التشريعية و فى مجال الطاقة و اى مجال إنتاجى البنية التحتية لا تحتمل . و لا حتى المطارات تستطيع استيعاب سياحة أكثر من 15 إلى 18 مليون و لو عايزين سياحة أكثر من كدة لازم توسيع للطاقة المطارات أو بناء مطارات أكثر فى المقاصد السياحية....
الرئيس ::: ايه ده ؟؟
دا انتوا عايشين فى شبه دولة ...
دولة غير قادرة على استيعاب احتياجاتها من الاستثمارات. ..
طيب انتوا محتاجين مثلا طرق قد ايه ؟؟
احنا عندنا يا ريس 33 الف كيلو متر تقريبا و علشان نوصل إلى 190 مليار إنتاج محتاجين يبقى فى مصر 104 الف كيلو متر طرق. يعنى مش اقل من 3 أضعاف الشبكة .
و محتاجين تطوير كل الموانئ و موانئ زيادة.
و محتاجين توسعة مطارات و مطارات زيادة .
و محتاجين محطات طاقة كتير.
ومن محتاجين تغيير قوانين كتير زى قوانين الضرائب و قوانين الخدمة المدنية و قوانين الاستثمار .و لازم توحيد سعر الصرف ( ما ينفعش يكون فى سعرين) و لازم محاربة الفساد و البيروقراطية و لازم سرعة فى تنفيذ كل حاجة و ضبط و ربط علشان احنا بنسابق الزمن علشان بتزيد 2.6 مليون فى السنة ..
طيب خلاص خلاص .. انا عرفت احنا محتاجين ايه .
هتعمل ايه يا ريس؟؟؟
لازم نعمل كلنا كل الحاجات دى ....
بس ده هيكون مكلف و صعب و شاق على الناس ؟؟؟؟
الريس:: فى حل تانى؟؟؟
لا يا ريس الاحتياطى خلص و السياحة منهارة و المنطقة مشتعلة و الاستثمارات مش هتيجي إلا أما نكون جاهزين أو نثبت اننا جادين فى بناء بنية تحتية و تشريعية و اقتصادية و نقدية سليمة و تقضى على كل التشوهات و أنصاف الحلول .
الرئيس ::: دى حرب و تحدى كبير لينا كلنا و الشعب لازم يفهم و يصمد ...
يا ريس كل اللى قبلك خافوا من القرارات دى... دى نقلة ضخمة و تغيير هائل و معاناة احنا محتاجين تغيير جذري فى الدعم و القوانين و السياسة النقدية و العمالة فى الحكومة و كل حاجة .. ده كتيير اوى يا ريس..
الرئيس :: بس هو ده الصح و اللى فى مصلحة مستقبل البلد دى و لا لا؟؟ و بعدين احنا نقدر ناجل أو معانا احتياطى يسمحلنا بالتاجيل أو حتى بالتدريج على مدى زمنى طويل شوية؟؟؟؟؟
هو بصراحة ده الصح وكان لازم من زمان.. و بعد اللى حصل بعد 2011 ظهرنا بأه فى الحيطة و مافيش اختيارات. ...
خلاص توضع الرؤية و الخطة و نبدأ التنفيذ فورا .
كل شيء واضح و نحن فى الاتجاه السليم بإذن الله. ... نعم سنواجه صعوبات و تحديات و معاناة ضخمة و لكننا نعرف الهدف و كيفية الوصول لتحقيقه و نملك رؤية و خطة..
حفظ الله مصر و شعب مصر و جيش مصر.
