قصيدة بندق العربجى - الشاعر مروان سالم

سيادة العربجى

بندق الشوربجى

موَقف الشارع

و ابن اخوه العُصبجى

قال ايه حماته جليلة

سرقوها مرسى و عديلة

و زُهير بتاع البليلة

و سمسم الطبلجى

و دارت العركة ساعة

نزل الخبر فى الاذاعة

واتلمو شلبى و رفاعة

و نُصير البوسطجى

و جه الشيخ عطا الله

و طل بس طلة

لقى الشراب و الفنلة

عند فريد القهوجى

و طب المخبر عكاشة

قالوله فرجت يا باشا

احنا فى ساعة بشاشة

نهارنا بنفسجى