يا مصر يا أم الرحمة

يا مصر يا أم الحياة

من غير رضاك وعفوك

يزيد عليا الشقا

خفى الحمول عنى

لاحسن أنا موجوع

رضاك يا أمى

عايز صيام اسبوع

وحج فى الازهر

و ذكر فى السيدة

ونومة فى التحرير

لاجل عمل تغيير

وبعد دا كله

تقولى لسة كثير

خفى الحمول عنى

كتفى ما راح يقدر

قلبك عظيم وكبير

هو اللى راح يشفع

و لاجل غفرانك

بتقولى لى اركع

و ركعتلك اول

و ركعتلك تانى

و سمعت و انا بركع

بتقولى يا مصرى

مهما تعيش و تدوم

قلبك ما ينسانى

و تضحى كل يوم

لاجل غفرانى