خرج ولم يعود

كان ياما كان يا ساده يا كرام ، كان في واحد اسمه عبد الموجود بس هو مش موجود خرج ولم يعود ، اصل عبد الموجود كان شخص طيب و ودود بس كان كحيان ، حب بنت الجيران وكان فيها هيمان ،  وكان معلق صورها علي كل الحيطان علشان يشوفها اول ما يصحي وقبل ما ينام ، وفي يوم من الأيام سمع زغريط هناك عند بيت الجيران قال ايه البنت خطبوها لوحد من الاعيان ، قام يصرخ في اهله انت السبب يا جدعان ، قالوله احنا السبب ولا انتا الا كحيان بتحب وانتا جعان وبعد خناق وزعيق سمع كل الجيران ، خرج عبد الموجود وحلف انه مش هيعود غير لما يبقا واحد من الاعيان ، وخرج عبد الموجود خرج ولم يعود حتي الآن