الوله
فيني من الوله
والشعور
شيء ثاني
فيني غرام
فيني شوق وخوف
فيني حيرة حروف
محتار
من وين ابدا وانتهي
بالغرام اللي سكن فيني
حرريني من القيود
حرريني من كل شيء
ابعثي فيني الحنان
خليني اعيش
واشعر اني بين ايديك
طفل صغير
تلاعبه المشاعر والاحلام
يا احلى امل عشته فيك
يا اجمل وعد احترت فيك
قلي
يادفا ليلي
ياشمس عمري وزمهريره
ياباكر اللي اجهله
فيك ارهقتني الاسئلة
وما ادري وين اروح
فيك كل عمري حبيته فيك
وما ادري عن البوح
لو احبك
يعجز لساني اني اقوله
لو احبك
كان باكر مثل امسي
مثل كل الايام باقي
انتي الامل
وانتي المنى
ومانسيتك
وما اظن اني انساك
