بسم الله الرحمن الرحيم

في مبادرة البكور تشاركنا القصص وهذه بعضها

كل عمري احلم بمجتمع مثل مجتمع البكور وكيف ممكن امارس عباداتي وحياتي واكون منطلقة بنفس الوقت ومتطورة ...المبادرة زرعت فيي امل شي يوم اعمل مبادرة شبيهة بس صحية وبنفس الوقت فيها شي من الدين حتى يكون لي عمل صالح الله يتقبل ..سافتقد هالمجتمع رح افتقد الحاسبة يلي فيها من الابداع ماابهرني خصوصا أنه احنا في عصر to do list وهي مشابهة لكن في مجال الحياة والدين صدقا ابهرتني وصدقا اتمنى اكون جزء دائم من المبادرة ...وأوجه كلمة لنور الهدى هديب وكل من خلف إنجاح هالمبادرة ،،،،( تركتن اطيب واجمل الأثر )

-

أنا اليوم اول مره اقوم قبل الفجر بساعه كامله ، عادة بقوم قبل الفجر بربع ساعه

ف الشعور غييير كتير نشاط و حسيت اني اقدر اسويها كل مره ، طبعا اللي ساعدني اكثر اني نمت بكير . تحدي اليوم اثبتت فيه لنفسي انو الانجاز يحتاج انضباط و هالشي شجعني انضبط ب ياقي اموري اكتر و اكتر

و الحمدلله اليوم نقاطي بالعلالي 💃🏻 اجواء حلوه 💃🏻♥️

-

بقولكم شنو صار معاي اليوم قبل لا تصكر القناة ..

اليوم قبل لا أصلي صلاه الضحى وسوست لي نفسي انه شنو نيتج من هالصلاه انتي عمرج ما صليتيها بتصلينها لربج ولا عشان التحدي راجعي نفسج ولا تصلينها اذا نيتج مو سليمه وفعلا قعدت شوي انه ما راح اصلي بس وانا افكر تذكرت كلام نور الله يجزاها خير اذا حديث النفس بيردج عن طاعه فهذا من الشيطان تعوذت من ابليس وقلت اصلا انا نيتي من دخول هذا التحدي اني اتقرب لله بأي طريقه كانت والله سخر لي اياه صدفه لقيته محد من اهلي كان مشارك والحمدلله اللي وفقني للصلاه ويا رب يجعلني واياكم من عباده الصالحيين

سبحان الله المؤذن يؤذن اليوم كأنه عند اذني وصوت نفسي مادري الشيطان يقولي بتقومين علشان الستيكرز وانا اسوي نفسي مااسمعه ويرد يحن ليما تعوذت من الشيطان وقمت چني اعاند اي علشان الستكيرز اشعندك 😅😩الحمدلله ربي فتح علي وقمت اميز قلت اذا هالصوت يمنعني من طاعه اكيد الشيطان ادقريه ساره وقومي يقوم حظج وتوفيقج 😎😎

-

بعد ودي اشارككم انجازي لليوم ..

امس رحت الدرس و كان الموضوع عن الافتقار الى الله و كانت تتكلم عن قيام الليل و انا صارلي فترة ادعييي ان يارب ودي اقوم حق قيام الليل و في داخلي و اهيا تتكلم صار فيني يااارب يسر لي صج محتاجة حق القيام و حق هالوقت

اليوم ربي اكرمني و رزقني بإني اقوم للقيام بالرغم من اني كنت مريضة شوي لكن ربي يسرها لي صليت و استغفرت و دعيت و صليت الفجر و سنتها و قريت اذكار الصباح و قريت وردي عاد كان ودي اني اواصل و اتم قاعدة لي ٨ بس حسيت روحي تعبااانة و نمت و قمت ٨ للجامعة😂

-

و هالاسبوع بالتحديد ربي يسر لي اني التزم بوردي و اقرأ جزء و هالشيء كان من اكثر الاشياء اللي ودي اني التزم فيها و التزمت بفضل الله بقراءة اذكار الصباح و بعد هالشيء كنت وااايد احاول اني اسويه و كنت اسويه مرة و باقي الوقت استسلم لهوى نفسي و اليوم الحمدلله الحمدلله ربي قدرني اني اقول لا اله الا الله وحده لا شريك له له الملك و له الحمد و هو على كل شيء قدير ١٠٠ مرة كنت اقولهم بس ١٠ مرات🥺❤️

-

الحمدلله و و لله الفضل و المنه ثم البكور

اليوم قعدت تقريباً ٣:٣٠ ما قدرت انام جزت عيني…امس معزومه شاربه قهوه و جاي الظاهر اثر على نومي 😳😁

بديت بالوضوء و بصلاة و دعاء و استغفار و نطرت الفجر صليتها في وقتها و قلت الاذكار و اذكار الصباح بعدين حاولت اريح ما قدرت قلت اقوم امشي على الساعه ٦ الحمدلله كملت قراية البقرة و خلصت ٩٠٠٠ خطوه و سمعت خوش درس و و السبحة كانت اب ايدي و شربت قهوتي و رجعت البيت جداً سعيدة 🥰حسيت نفسي اليوم 🤓

-

صباح البكور

والنشاط يا اهل الخير ☀️

بشارككم تجربتي

لعلي أُلهم اللي

بمثل وضعي

ويحسون انه

الكل تأقلم مع الفجر والبكور

الا اهم كه مازالوا حايسين :

يمكن اغلبكم بهالموسم

جرب تجربة وقت الفجر

و نقاطه .. تخيلوا انا من بلش هالموسم وانا تقريباً كل يوم

اقعد بعد الشروق 😭💔💔

حتى الحد الادنى مرات

ما اوصل له اصلاً عشان

اقدر اسجل نقاطي 💔

بس امس قلت بس خلاص

وصلنا الاسبوع الثاني وانا ليلحين ما ضبطت نفسي لي متى ..

هذا وانا مع الجماعه ماقدرت

التزم شلون بعدين لي صرت بروحي ؟؟

( مهم نحاور نفسنا والله

ما تتخيلون شكثر حوار النفس الايجابي يأثر

راح تضحكون علي بس مرات اتخيل

انه فيه مني ثنتين وحده حكيمة

ووحده سلبيه ومتوتره ف كله احاول اخلي الحكيمة تتكلم وتسيطر عالامور

🙈😂 )

مو موضوعنا .. المهم : 😁

ف امس قاومت كل

نوم مر علي خلال النهار والمغرب

والعشا وماصارت

١١:٣٠ بالليل الا انا قتيله ادوّر الفراش 😴

المهم انه سبحان الله قعدت بدون منبه قبل الاذان يافرحتي😭🥹💖

و ربي يسرلي و خلصت ٣٠ دعوه

و قلت دام فيه وقت

قبل الاذان خل ارتبها بالنوت بالترقيم

عشان تسهل علي للايام القادمة

💜

و لما اذن الفجر تنّحت شوي اتأمل السقف والطوفه اطالع الوقت ولا عدى ٩ دقايق من الاذان 😅

الدرس المستتفاد لا تطولون بتأمل الطوفه لاحقين عليها 🤣

قوموا بنشاط

للوضوء والصلاة خصوصاً انه سنة الفجر قبليه يعني اذا تأخرنا طافتنا الفجر لوقتها ( اول ٢٠ دقيقه )

و بس والله حبيت اشارككم

بأول يوم بكور حقيقي بالنسبة لي اليوم ☀️🥹💕

اليوم حسيت اني انتمي لكم

-

صحيح

وكذلك في نقطه أحب إنكم تستشعرونها معاي

إن انا نعطي وقت للعبادات بحب في بركة و شعور جميل

مو مثل لما نركنها لمًا تبقى من وقت عقب ما نخلص مهامنا و مسؤلياتنا

في البكور

تعلمت أن العبادة مسؤليتي

ويجب أن يكون لها وقتها وتدخل ضمن الأوليات

وأحلى شعور مر علي من انضميت بالبكور

لما رنت الساعه و فزيت بنفس شعور فزعة وراي اختبار ايام المدرسة

اهني ايقنت ان الحمدلله بفضل من ربي العبادة تصدرت في قلبي وعقلي مهام يومي

بفضل من الله ، و ممارسات منهج البكور 🌸

ملاحظه : خلال اسبوع صرت ملتزمه بقراءة سورة البقرة يوميا مع اخر منزل الحمدلله ، قبل كنت اجزئها و مرات اسوف قراءتها لحين ما اقضي بعض الامور و للاسف أنام و مرات ماكون مخلصتها وحزينه على ذلك بس مجهده و ماقدر اكمل.

-

السلام عليكم

بحاول اختصر قصتي مع الرحمن

انا طبيبه و ام و اكمل دراسة التخصص بديرتي

حاليا اخر سنه لي باذن الله

الفتره اللي طافت من حياتي

كانت مع احلى الفترات مع ربي حبيبي

و عيالي

و كانت من اصعب الفترات لي كطبيبة ام و ادرس و اشتغل بنفس الوقت

راح احاول اقول التفاصيل المهمه بس مع ان في تفاصيل واايد استشعرت فيها وجوده معاي و تسخيره لي

الفتره الاخيره صارت قصه مع خادمتي اللي مو مسلمه و استخرت و قررت ان ابي اييب خادمه مسلمه ضليت تقريبا ٦ شهور بدون خادمه و عندي ظروف مع اهلي و صديقاتي و اصبر نفسي ب

و استعينو بالصبر و الصلاة

و ادعي و عندي يقين بربي حبيبي

و كان البكور من احد الاشياء اللي احس انها تزيد الضغط علي بالوقت و بليس يلعب براسي طلعي شحادج خاصه ان انا انسانيه ليليه و احب اسهر و ما احب قعدة الصبح و لي اليوم اجاهد نفسي حق صلاة الصبح و مرات قليله اللي قعدت فيها و طبقت الساعه البكورية و اصلا ساعات ما اسجل نقاط و بالعاده نقاطي شحيحه

بس كنت اتعوذ من الشيطان

و ادري ان البكور تسخير من ربي و تثبيت لي بالهفتره مع انا من الناس اللي ما اعرف اتواصل عن بعد

بس ادري ان البكور كان عون لي بعد الله بتغيير اشياء وااايد بيومي حتى لو بسيطه و ربي كان مسخر لي اشخاص ما ادري من وين و عمري ما توقعتهم

اللي بقوله ان عمري ما فكرت اني اصلي الصبح جماعه

منو قعدني حق صلاة الصبح البارحه

خادمتي اليديده او بالاصح اختي

قعدتي و نادتني اصلي يمها

لساني فعلا يعجز عن التعبير

الحمدالله كما يليق بجلال و جهك و عظيم سلطانك

-

تدرون انا كتبت اشياء كانت مستحيل تتحقق وصارت احلى من ما ابي 😭😭  كنت وايد متأذيه من السكن مع حمولتي وصابره عشر سنين وحتى دوامي وااااايد كان بعيد علي مشواري كان ساعه  او ساعتين باليوم وصعب وايد نشتري بيت بعد ست شهور من البكور صار عندي سكن خاص فيني وفيه كل شي ابي واكثر 😭

-

لبكور بالضبط نفس مصطلح معروف اسمه scaffolding و في التربية معناته انه المربي يعطي الطفل الدعم الكافي في تعليم مهارات معينه لفترة محدد و بعدها يترك الطفل لوحده يطبق هذي المهارة… بالضبط لما تعلمين ولدج يسوق سيكيل… اول فتره توفريله الدعم من ثياب حمايه و تمسكين السيكسل bicycle 🚴 .. و بعدين شوي شوي تخففين الدعم و تتركين الطفل بروحه..

و الاسكافولدنق في البناء المعماري الحدايد الي تمحط داخل و برع البيت عشان ترفع و تعلي و تثبت و تكون موجوده فتره و بعدها شووووو خلاص تنشال…

البكوووور بالضبط بالضبط بالضبط جي.. دعم حب رعايه استماع فضفضه اعانه كلام خواطر فيديوات.. الخ طوووول هذي السنة.. صار الوقت الي خلاص شوي شوي يشلون الدعم و كل وحده بروحها اطبق الي اتعملته طول هذي السنة..

-

اول مره اكمل السنن الرواتب واصلي كل الصلوات على وقتها والله يا بنات شعور جميل جميلل قعدت بعد سنه العشاء اتفكر كيف انو ممكن لو ربي تقبل السنن الرواتب انا حاليا عندي اول بيت بالجنه!

حاولت اليوم انفذ توقا للصلاة بس ما زبطت الخمس دقايق الا بالفجر اما باقي الصلوات بس وضوء ومرات دقيقتين او ثلاثه قبل الصلاة بس والله ماتوقعت الفرقق لما يأذن وانا متوضيه غير تماما عن لما اول ما يأذن اقوم اتوضأ مع انو الفرق بينهم دقايق بس شعور غيرر والصلاة فيها راحه والله حمستني تجارب البنات الي بالقناة بس ما توقعت صدق لهالدرجه مره كبير الفرق الحمد لله🥺🥺❤️

الله يثبتنا انا كان اول يوم لي اكمل السنن والصلوات لوقتها وحبيت اشارككم فرحتي لعل وعسى احد يتشجع ويبدأ❤️❤️

-

صار يومي كله صلاة و ترتبت كل اولوياتي و اشوف بركة بركة بركة باليوم و بالوقت

كنت افكر ان اذا بقعد قبل الاذان خمس دقايق وعقب الصلاة بقول الاذكار واصلي السنن ان بيروح علي وايد شغلات باليوم و راح يضيع علي وقت

بس فجأة صرت انطر الاذان مناطر و صارت عامود اليوم الاساسي الي ارتب كل اولوياتي و اشغالي على مواعيد الصلوات و عرفت ان الصلاة الاساس و اذا صلحت صلاتي كل يوم بيصلح و الله بيبارك لي بوقتي

فهمت معنى توقاً للصلاة

الحمدلله يارب الي ذوقني حلاوة هالمعاني و البركات 🤍🤍🤍

سبحان الله

وانا اجاهد للخشوع والتركيز في الصلاة

استشعرت لاول مرة … الله اكبر قبل كل ركن

انهر افكاري واطردها .. الله اكبر من كل المشاغل اللي تخطر على بالي في الصلاة

اقول الله اكبر … افزع الى الله بها

-

أجمل مافيه الأثر الظاهر على أبنائي

كنت دايم أتعب على أبنائي أذكرهم بالصلاة

الان ولله الحمد من يشوفوني أتجهز للصلاة من قبل الأذان

وهم يبدون يستعدون مثلي شعور رااائع

قبل الفجر لو صحى أحد من أبنائي نجلس نذكر الله إلى الفجر

ولدي مرة ذكر لي انه حتى وهو راجع من الصلاة في الطريق جلس يدعي لي يقولي لولا الله ثم انتي ماكان تمتعت بالعبادة لأني أشوفك فطبيعي أعمل مثلك كانت كالبلسم لي ودعوت له باستمرار الصلاحوالحفظ من رب العالمين

-

اليوميين اللي فاتو كنت احاتي قعدة الفجر لانه سبحان الله اذا الفجر صارت بوقتها باقي الصلوات يهل تكون بوقتها مهما كنت مزحومة

وكل وقتي فيه بركة

وكانت مواعيدي وايد الاسبوع اللي فات

وكل ليلة من اشوف الساعه اقول شلون بقعد

البارحة دعيت ربي اقعد في احب الاوقات له

ومافكرت شلون بقعد حطيت في بالي أهم شي اقعد

والحمدلله قعدت قبل المنبه اليوم بساعه وماشاء الله يمعت نقاط يوم كامل من الايام الفايتة قبل الشروق

احساسي مقدر اوصفه

احس اني خفيفة ومستااااانسة

الحمدلله رب العالمين

-

بخبركم موقف بسيط صار لي ، يوم السبت بديت اركز على كل سنن الصلاة قبل الحاسبه ماتبدي المهم كنت في البيت وصليتهم ، صلاة العشاء كنت في مركز تجاري ودخلت المصلى وصليت الفرض وقلت الاذكار وعلى اساس بطلع من المصلى لما خلصت قلت لنفسي الحين يفصل بينك و بين بيت في الجنة ركعتين سنة العشاء فقط

هميت وقمت صليتها والشعور مو طبيعي 💙

اكتشفت انه مثل هذه المعلومات تكون حافز للعبادة لما تعرفين ايش هي المكافأة 🎁

-

من بركات البكور اني صرت اقعد اعيالي ابكر من المعتاد بـ 20 دقيقة تقريبًا

هالعشرين دقيقة حيل فرقت بروتينا الصباحي

الوضع صار اكثر هدوء صرت ما اقول بسرعه بسرعه خلصونا بنتاخر!!

يالله تريقواا !!

امبيييه انت ليلحين ما غسلت يعني متى بتلبس !😡

الحمد لله صاروا يتريقون على راحتهم ويلبسون بهدوء وانا بالي مرتاح لأن في وقت واهم شي خفّت الحنة واللبحة الي تعور قلبي وتأثر في مزاجي ومزاجهم

الوضع الجديد حيل حيل فرق بنفسياتنا واستقبالنا لليوم الجديد الحمد لله 💕

ما انا معوده بناتي نصلي جماعة ومخصصين مكان للصلاة و معطر للشراشف والسجاد

الفكرة انهم في مرحله تعلم فأضمن شي بدل أسألهم كل شويه صليتوا ؟ صليتو ؟

قلت احسن اول ما يأذن نتجمع ونصلي جماعة

ومنها يتعلموا منك ويتعرفي أخطأهم حتى تقوميها

وبعد الصلاة لاااااازم في حضن عميييق ولحظات حب وادعيلهم وحدة وحدة بصوت مسموع

فساروا يحاولوا يلحقوا الصلاة من وقت الاقامه و ما يفوتوا الركعه الأولى عشان لايفوتهم الحضن 😂♥️

بس حقيقي الاوقات الي اكون معذورة فيها انا نفسي افتقد الصلاة معاهم

الله يحبب الدين لهم و يحافظوا على صلاتهم ويثبت القرآن في قلبهم وينفع بيهم الاسلام والمسلمين

-

الالتزامات اللي نقوم فيها قبل أي طلعه انا وبناتي

-نطلع على وضوء وبالذات اذا كانت الطلعة بوقت صلاة مثل المغرب.

-ما نروح لمكان ما فيه مصلى اذا كان وقت الصلاة يصادفنا في نفس وقت الطلعه.

-ممكن نأجل الطلعه لساعه أقل أو أكثر اذا وقت الصلاة قريب.

-شهر رمضان شهر عبادة ونحرص على التراويح والقيام وما في طلعات للأسواق وغيره وتجهيز شغل العيد قبل رمضان، هذي قاعدة اساسية معلمتها بناتي.

-

بالنسبه لثوب الصلاة.. احب يكون معلق.. ما احبه مطبق احبه معلق.. ينغسل تقريبا كل اسبوع… يتعطر و ادخنه.. و قبل كل صلاة احب اتعطر..( خذو زينتكم عند كل مسجد) .. منزله تطبيق اذكار يعطيني تذكير قبل الاذان بعشر دقايق و بعدها تطبيق بلال يعطني تذكير قبل ب 5 دقايق قبل الاذان.. فخلاص اقوم و اتوضا و اذكر عيالي يالله بياذن اتوضو وغالبا ( ignore 🥹) بس ماعليه اقول ( و امر اهلك بالصلاة و اصبطر عليها) .. يوم يأذن اكون خلاص متوضيه و قلت اذكار الوضوء ابدا بسنن الاذان و عقب اصلي.. سنن و اذكار ما بعد الصلاه.. اذكار المساء و جلسة ذكر و اذكار مضاعفه بعد صلاة الفجر و العصر..

-

السلام عليكم

الامانه الصلاة بوقتها جهاد خصوصا مع مشاغل الحياة والظروف الي تطرأ علينا

بس سبحان الله اكثر شي عاني عليه ربي

لما اذكر جدتي الله يغفر لها لما كانت تدخل بطقوس الصلاة قبل بوقت فعلا كأنها مجهزه لعرس ،،،،

قبل الاذان تقوم تجدد "تتوضأ " واتقعد في مصلاها الخاص وكنت وقتها انا صغيره علمتني اني افرش لها السجاده وكنا نتسابق انا واخوي منو اول يفرش لها

فعلا الصلاة لها حلاوه معاه الله يغفر لها

وبعد وفاتها كانت امي ترتب يومها مع الفروض ماتعترف بالساعه يعني بعد المغرب بعد العشا ماتطلع الا وهي مصليه واذا كنا بره تقرب يم المصلى او المسجد

فعلا اكتشفت انها افضل طريقه ان الصلاة تتحكم وترتب يومنا مو العكس

الله يرحمهم ويخلف عليهم بالجنه ونعيمها ويرحم موتانا وموتاكم

-

أجمل شي في منزل الدعاء، انشراح الصدر، والأجمل تحري ساعات الإجابة…والهدوء في الصلاة، مو بس تأدية الصلاة عشان اسقاط الفرض، تنتظر من الصلاة الى حتى تسجد وتدعي كل مافي قلبك 💕. أحلى شي تعلمته في منزل الدعاء، حلاوة الخلوه مع الله 🥺، شعور لا يوصف والطمأنينه اللي بعد الخلوة لا تقدر بثمن! تعلمت انه أدعي الله حتى في الأشياء البسيطة، مثلا الله يسر لي "موقف سيارة" اذا كنت رايحه مكان زحمة. تعلمت كل دعاء يمر علي من أدعية الرسول عليه الصلاة والسلام أسجله عندي في الملاحظات حتى صاروا أكثر من أربعين دعاء والحمدلله وبفضل من الله احفظتهم وأسترسل لما أدعيهم! الخلوة مع الله، تزرع في القلب اليقين أن لا شيء مستحيل مع الله 💕.

-

هالحاسبه وايد حابتها

انا ماعرف انجز الا تحت الضغط

يعني ادري انه خلاص ٨ الوقت الاخير

امسك المسبحه الالكترونيه واحاول بالسياره انجز اكبر قدر من التسليح والتهليل والاستغفار

غير اذا كان عندي طول اليوم

يصير التاجيل الى ماله نهاية

-

السلام عليكم ورحمة الله وبركاته ،،، بقولكم قصتي اليوم ،،، الليله ما نمت كويس ابدا ،،، طبعا كان في عدة عوامل ،،، ولكن السبب الرئيسي القولون العصبي ،،، صحيت قبل بقليل وقلت رح اصلي السنه والفرض وارجع انام ،، وزي ما تعلمت من نور جزاها الله خير الجزاء ضويت اضاءة الغرفه وطفيت التكييف ،، بس لما نويت اصلي قررت اني ما فكر اني ارجع انام ،، وسبحان الله ،، بس خلصت اذكار الصلاة علي سجادتي ،،، تنشطت وكملت ولا حاسه نفسي بدي ارجع انام والحياة صارت عالم اخر ،،،

ملاحظه :: بفضل الله تعالي وكرمه علي انا بصحي اصلي الفجر بوقتها ،، بس اكمل اذكار الصباح متقطعه بس مع البكور الحمدلله تقريبا التزمت ومع اخر منزل ( هذا المنزل ) حتي ربي سخر لي زوجي صار يواصل ويقول ما شاء الله اليوم فيه بركه بس غير ( زوجي انسان يحب السهر ) صار ينام ١١

-

السلام عليكم شلونج نور اليوم خلصت دوره البكور في التليغرام وصراحه كانت وافيه وكافيه لكل التساؤلات اللي صج تطري في بالي من اول مااشتركت فيها ومن الاشياء اللي كانت ترعبني انه اذا في ايام نقاطي كانت مرتفعه وجدا سعيده بنفسي اني سويت وغطيت اعمال الحاسبه سيده انتكس وراها واستشهد بالآيه ( كره الله انبعاثهم فثبطهم ) 🙈🙈الفكره مرعبه وصراحه ايام تشلني ماقدر اسوي شي حتى يعني ساعات اعاند ماحط نقاط اقول انا اسويها لله ليش احط نقاط او اكتب في القروب شنو سويت بعدين ارد استرجع الصحبه وانه نذكر بعض وانه من باب ادخال السرور لقلب مؤمن انه ابلغ واسولف عن التغيير الايجابي اللي في حياتي وارد واناجي ربي انه يعيني على نفسي ويجعل اعمالي كلها خالصه له سبحانه

صراحه مجموعه مشاعر ومجموعه انسان لاحظت فيها تغييرات كبيره في حياتي حتى اللي حوالي لاحظو صرتي اهدى مو اي شي يستفزج مو اي شي تنفعلين عليه حتى في تربيتي لاعيالي وهدوئي وتسليمي لربي في كل مشكله تواجهني وهذا من فضل ربي علي وفضل مبادرتكم الطيبه 💕💕

-

خاطرة ✨🤍

انا لأول مرة في تاريخ البكور احصل على نقاط فوق ال ١٠٠، وحاسة بفخر وبفرحة مو عادية انه قدرت اعملها رغم ظروفي وضغوط شغلي ومولود جديد.. حمد لله احساس الصحيان والبكور كان جداً جميل ومررررة سهل وسلسل ويشعرك بشعور رهيب عند الوقوف ف اخر الليل مع الله سبحانه وتعالى🥹🤍 وغير الحماس لعمل الاعمال اللي ف الحاسبة وغير هدوء الكون ف ذلك الوقت و غير الطاقة الربانية سبحان الله🥹🤍

يارب يبلغنا جميعاً بكورات عديدة مليئة بذكر الله🤍

-

اول شي الحمد لله اللي حط حساب البكور قدام عيني واختارني اني اكون من ضمن هذي الجموعة اللي كتب لنا اننا نتقرب له عن طريق هذي المبادرة الحمد لله دائمًا وأبدًا على كل شي الحمد لله. ثاني شي ما اعرف كيف اشكر الانسانة اللي سوت وجهزت هذا كله اختنا الكبيرة نور وحبيبة قلبي اللي ادعي لها بكل صلاة وكل اللي شاركوا معاها وكل المشرفات وكل احد حرفيًا كل احد كان له ولو مقدار نقطه في إنشاء هذا الشي الجميل والعظيم انا ممنونه كثير لكم غيرتوا دعاء للافضل للشي البي هي كان تشوفه حلم وكان تتمنى انها تُحاط ولو بصديقة صالحه واحده بس، لكن اللي صار ربي اكرمني وحاوطني بصحبه واخوات للجنة إن شاء الله احبكم كثير والله ويشهد ربي اني ما بنسى ابدًا الفضل الذي بعد الله قدمتوه لي ممتنه والله، دمووع كثيييره انو بيخلص موسم البكور. يمكن الشي اللي ندمااانه عليه كثييير اني ما كونت لي صُحبة ولو وحده وندماانه كثييير كثير والله لانكم ناس ما تتعوض وهالشي صار بسبب انطوائيتي اللي إن شاء الله انها تتلاشى وتخف، عمومًا أحبكم جميعًا في الله جمعني الله وإياكم في الفردوس الأعلى نحن ومن نحب يارب..

-

البكور وما ادراك ما البكور والله لو البنات يدرون شنو البكور ممكن يسوي لهم يتسابقون انهم يدخلون في المبادره اشكركم من كل قلبي نور الهدى والمشرفات يا رب يجازيكم على الي اتسوونه لان شي عظيم.

-

من كثر ما أحبكم أبي أكون جزء منكم. وأبي يكون لقاء نجتمع ونقول قصصنا. لي قصة مع الصلاة لي قصة مع مرافقة المرضى كأن الله رتب كل شيء بحياتي بطريقة تشبه النور في آخر الكهف، تحسين ليش العتمة ياربي.. تالي تبصرين يا حبيبي ياربي سبحانك مشيتني لآخر الكهف لأبصر قيمة النور وأتمتع بإدراك آخر ورؤية أخرى. الحياة الدنيا هي البداية، لكنها بداية النهاية ما يعقبها كله سيكون الجزاء والنتيجة؛ تعلمت التأدب حتى في الحزن؛ لأن الله يحبني؛ والمحب بحبيبه رحيم. والله سبحانه له المثل الأعلى وهو أرحم الراحمين.

ربنا تقبل منا وانفعنا واجمعنا في الجنة