1\4\2015
بيقولوا انهارده كذبه ابريل ! عشان كده كلامه انهارده كان فعلا حلو و بجد ولا كان متزوق و مش من القلب ! انهه ذات الجينز و التيشرت الاصفريكا و الكروكس و الشعر الاسود الطويل و اهم حاجه من عرق الناس ال الموزز )الاتراك(. يخريبيتوا عليه دخله فظيعه.انا ماكنتش مهتمه بيه للدرجه يعني بس اللي حصل ان انهارده كانت اول محادثه بينا ابتدت بالموسيقي اللي كنت مشغلاها و بعد كده الكلام جر بعضه..في الواقع هو الشخص اللي بدور علي صفاته بقالي كتير في احلام اليقظه.ليه اصحاب بنات بس مالهوش في البنات الفافي و مالوش في الصحوبيه.هو معظم كلامه كان عن العلاقه ما بين الولد و البنت و بعض من مغامراته ذات المشاهد القصيره معاه ومع اصحابه وليه مابيقفش مع بنات!جرئ لدرجه ماحصلتش..احساسي وانا شايفه جراته دي غريب اوي..حسه الكلام ده مش كل الولاد عندها جراه تقولوا بالطريقه بتاعته..بالرغم اني كنت بحس بشويه كسوف و ببص في الارض بس كنت مستمتعه اوي بجراته.في حجات مشتركه بينا..من نحيته مافيش اعجاب علي ما اعتقد و زي منا شايفه..من نحيتي انا في كل مشاعر حلوه اوي و احترام و اشتياقي لي اللي مخليني عماله افكر فيه ومسهرني لحد دلوقت و مش جايلي نوم خالص و بسمع اغاني..شخصيته جذباني بطريقه يمكن ابالغ لو قلت مش عارفه اوصفها..يا تري تاني لقاء بكره بينا اللي ليا كلام كتير ليه نفسي اقولهوله فيه)وانا اصلا مش اللي بتتكلم بطلاقه و باطاله( هياكد علي شعوري بتاع انهارده و املي اني اكون ماغلتش في قراته ووصفه ??? يا الغد اعطني الجراه و انشكاح النهارده و يطلع فعلا الرجل المطلوب !!
كلامي ممكن تعتبروه مقال،قصه قصيره،اعتراف،او حاجه جوايا من حلاوه احساسها عايزه اطلعها
