بنسمعها كتير من ناس كتير
جمله عايشين ومش عاشين
وللاسف لما بنسمعها بنضحك ونسكت وعمرنا مافكرنا يعني ايه
عايشين ...يعني مستمتعين بنلعب وبنجري وبنحب بناكل وبنام وبنسمع موسيقي وبنتعلم ونرسم ونقابل ناس جديده
طب مش عايشين ...يعني بنحب كل حاجه الا اننا نحب ربنا
بنلعب وبننسي العباده اللي هي اصلا اتخلقنا عشانها
بنسمع موسيقي ومبنسمعش القرأن اللي هو منجي لينا
بنضحك علي حاجات تافهه ومبنضحكش من قلبنا
بنجري عشان نلحق حاجات مش باقيه وعمرنا ما جرينا عشان نلحق صلاه ف الجامع
بننام عشان نقوم علي يوم جديد ميفرقش حاجه عن اللي قبله بس مبنفكرش ازاي يبقي يومنا الجديد ده ف حب الله
ملخص الحكايه ...حب ربنا صح هتبقي عايش
