ســلام يابيـتٍ علـى شـارعـه جيـت
بيـتٍ قـديــم وكـــل دربـه صـحــــاري
ايســوقــــنـي يمّـــه غــلاه وتعــنّـيــت
والشــوق يدفعـني بدون اختياري
البيــت مــن راعــــيه يامــدوّر البيـت
لاتحسـب انّـه كُـبر سقـــف وسواري
بيـت الردي وإن كان حوله تعديت
تلقى على سُوره هــــبــوب الذواري
سـلّـم على اللي بابـــهـم كان مريـت
مـدهـال للطـــرقي بـ صبح وغـداري
حييت ياعودٍ على الجُــود شـبّـيت
يااللي بسوق الطــيب بايع وشاري
مـن لابتٍ يــوم المغــــازي لها صيـت
مــن يوم عاده بالفـــشـق والشباري
قولـة نعـم ماهي على وزن ياليـت
يــوم الردي حظه من الطيب عاري
يابيــــــت كـان إنــك تعلّــيت يابيـت
لــو كان نوعـك فالمنــازل حضـاري
إن كــان ماانته مدهـــلٍ للنعـاتيـت
راعـيــك يــدفـن مالـ راعـيــك طاري
صالح مبخوت
