الرفــيـق القــرم لا غـــيــّــر اســناعه
مانــلــوم اللاش لا صــــار بيــاعـي
كــان بـه للطِيـب فــ الناس بيــاعــه
والله إنـّا مانبــيـعـه بـ الاطــمــاعـي
لاتــغرس الـوُد في نــاس خــدّاعه
خوف تلقى بالجزا غِش وخداعي
بــوطـــبــيعٍ مــا يفــيـــده تِطِــــــــبّـاعـه
لو تجمّل بالحكي/ حٓكْيه صناعي
تــرِّك اللي لا تـجــــمّـل بعـد ســاعـه
قــام ينــشــرها مع كــل ذعــذاعـي
كــم وثقـنا في مــخــالــيق جبّاعـه
لا عــوزنــاهــم يصمّون الأسماعي
رفـقـةٍ مـاهـي عــلـى عــزٍ وطــاعــه
ضــايـعـة واللي تعــلق بها ضاعي
الرفــيق اللي على العــز منجاعـه
ينــشــرى وِدّه ولاهــــــو بــ ينباعي
معـدن الطـيّب ليـا شانت أوضاعه
معـدنٍ صــافي على النار لــماعي
مايحصــد الطيــب ياكــود زرّاعــه
والجمالة دين والصاع بـالصاعي
صالح مبخوت
