أبستقيل/عدنان عضيبات

أبستقيل/كلمات الشاعر الاردني عدنان عضيبات

أبستقيل من الملام إلا غلاك

مالي على قلبٍ يحبك أي مفر

وأبستقيل من العتب إلا خطاك

ما للخطا في دنيتي غير السهر

إن كان يزعج خاطرك إني أسير

في سكةٍ كانت تجمعنا سوى

وإني قتيل الحب والدمع الغزير

أركض ورا طيفك ويهلكني النوى

أنا جيتك وكلي أسف كلي حنين

عن كل شيٍ فاتني إلا الهوى

مال الهوى عندي عذر طول السنين

هو دائي اللي ما لقى غيرك دواء

تصوّري.. حتى الملامح تشتكيك

ماخترت أنا درب العنا وأمشي إليه

هذا نصيبي من دنيتي إني أبيك

والقلب يعشق شخص ما يقدر عليه

سكنتي بوسط الحنايا والضلوع

يا جرحي الغالي ويا حلمي المحال

لو كان حبك كذب أو دمع ودموع

ما كان قفّيت وترك خفّوقي وقال

ما عاد يغريني التمني والوصال

أبنتظر لو كان عافيت الحضور

ما للظلام إلا لقى ضي الصباح

وأبستمر بالصمت لو قلبي يفور

ما كفّن جروح الحنايا إلا الوشاح

يا صاحبي لو مرّ في بالك جفاي

أنا ترى ما عشت من بعدك بخير

لو تنشد دروب المشاوير وعماي

تقول: غايب لكن بقلبه أسير

يا ليتني أقدر على النسيان يوم

وأشيل من صدري تفاصيل العتاب

وأمحي من أوراق العمر كل الهموم

ولا أعيش اللي بـقى بـعْـدك سراب

تصوّري حتى الوفا أصبح غريب

في عالمٍ يجحد مسافات العطاء

تبقين في جرحي ترى أغلى طبيب

لو كان وصلك صار من بعد النقاء

أبكتِم العبرة وأداري هـ الجروح

ما كل من يبكي لقى خِـلٍ يـصـون

لو شانت الدنيا وضاق فِيني البوح

أبقى على عهدي مع ذيك العيون

أرجوك لا تقفي وأنا كلي كسير

ما عاد فيني حيل لأيام الغياب

جرحي تمدّد في خفوقي وصار بير

وكل الأماني في رجا وصلك سراب

يا أغلى جراحات العمر وأجمل عذاب

ما جيت أدور في حِمى عطفك نجاة

أنا بسألك بالله وش ذنب السحاب

لا غاب غيثه ماتت غصون الحياة

أبمشي في دربك وأنا كلي شتات

ما همني بعد الجفا طول الطريق

مادام حبك يسكن بوسط الذات

وش فـايدة دنـياي لو أفقد رفيق

لو تلتفت تلقى بقايا من حنين

تصرخ ورا طيفك ولا تبغى بديل

ماتت على بابك فراشات السنين

ولا بقى للقلب من بعدك خليل

خلاص ما عاد العتب يجدي معاي

أنتِ غرّامي اللي هويته من زمان

لو كان هجرك هو نهايات الرواية

بـموت وأنا حافظٍ عهد الأمان

أبنسحب بالصمت والذكرى عزاي

ما دام قلبك ما غفر لي هـ الخصام

ودّعت في ديرتك أحلامي وهواي

ولا عاد باقي عقب هـ الصدّه كلام

باقولها وأمضي وأنا كلي وقار

أنتِ الغلا كله ولو عزّ الوصال

ما تلتفت عيني على دروب انكسار

والحر ما يرضى بـ عيشة الابتهال

أستودعك قلبٍ رحل معْك ونسيك

إلا من الشوق القديم اللي هَوى

دامك تبي جفوا عسى ربي يهديك

وداع.. يا حلمٍ تمنيتـه ضِـوى

أبـقـفّـي وراسي في سما العِزّة يطول

ما عوّدتني نفسي على طرد السراب

لو كانت جروحي من غيابك فِـعول

صمتي عن عْتابك هوَ أسمى جواب

ما ينحني خفّوق حدّاته الظروف

ولا تشتكي عيني لو الدمع انحدر

كتبت حبك في مداهيل الحروف

واليوم أمحي صورتك لـيـل وقَدر

رح في طريقك والوعد باكر يبين

منهو الذي يخسر ومنهو اللي صمد

بأطوي كتابٍ عشت في وسْطه حزين

وأنسى غرامٍ ما لقى فيك السند

بقلم

الشاعر عدنان عضيبات

المملكه الأردنية الهاشمية

منصة اكتب/ابجد هوز/موقع ديوان/تمبلر/مدونات قوقل

موسوعة وكيبيديا

Powered by Froala Editor