بعد وقت طويل من التعب النفسي والتوتر والاجهاد الفكري اكتشفت ان سبب تعاستي الحقيقيه هي اني مش عارفه انا بجد عايزه ايه ودا لاني دايما بحاول ارضي اللي حواليا في محاولات فاشله مني لعدم التعرض لانتقاد اظن ان اللي هيقرأ الكلام دا مش هيحس انه غريب عليه لان للاسف الفكره السائده دلوقتي في المجتمع هي الرغبه في ارضاء الغير علي سبيل راحتنا ورضانا عايزين ندخل كليه قمه واللي طبعا المجتمع هو اللي سماها قمه بمزاجه وبرأيه علشان منعرضش اهلنا للحرج ونخليهم فخورين بينا انهم عندهم اولاد في كليه قمه ومحدش هيقدر يعايرهم بينا شئ في غايه الروعه ان كله بقي دلوقتي عايز يكون الدكتور مش المريض علشان احنا هنعيش في مجتمع كله دكاتره طبعا ومينفعش الدكتور يتعب علشان كدا باب النجار مخلع فمفيش حد عارف هو في الحقيقه عايز ايه او بيحب ايه علشان اللي بيحبه واللي بيعمله هو اللي المجتمع بيحبه وعايزه يعمله انا منهم واحده من المغيبين تحت فكره ايه اللي يرضي الناس مش انا بس مش ببطل اقول انا ميفرقش معايا كلام الناس ومش اي حاجه يقولوها تفق معايا بس في الحقيقه تصرفاتي غير كدا خالص فقررت اني هتغير ان شاء الله وهبدأ ادور علي نفسي علشان احساس الفراغ اللي جوايا دا يختفي وجل من لا يسهو طبعا بس اهم حاجه نرجع عن الخطا في طريقي لاكتشاف ذاتي عملت مدونه علي بلوجر علشان انشر فيها افكاري ويومياتي ويقل عبئ الكتمان بداخلي واعرف الاقي طريق السلام النفسي والداخلي في يوم من الايام  مدونتي اهي للي حابب يطلع عليها واللي حاسس انه في نفس الدوامه زي ويحاول يوصل معايا لطريق نلاقي فيه نفسنا الحقيقه مش اللي حددها المجتمع وقررها مع نفسه                                       https://salma199922.blogspot.com/