فمان الله.. والله لا يهينك وافي ومعذور..

مادام انك مقفي شوف طريقك لا تحاتيني

 

فمان الله.. لو اني من الفرقا بدق الزور

واجاذب ونتي واجر صوتي بيني وبيني


 فمان الله..  يا ضمد الجريح ووصفة الدكتور

ولا توصف لي علاج الجروح ولا تداويني 


فمان الله..  يا ذنب العظيم الغالي المستور

عسي ربي يسامحني عليه ولا يجازيني


 فمان الله.. يا اول من سرق دمعي بدون شعور

وانا كنت اجزم انه ما يطيح من عيني 


فمان الله.. يا قصة غرام في ثمان شهور

نهايتها الوداع الموجع.. وتلويحة يميني 


فمان الله.. وابن ادم مقفي.. والسنين تدور

مصير الوقت وظروف الزمن منك تنسيني


 تِيَسر جعل ربي يحفظك يالمنهي المامور …

لو ان الشور شورك.. كان والله ما تخليني


كِثِر خيرك علي ..وبيض الله وجهك.. ومشكور

هذا اخر ما طرى ..والله يهنيك ..ويهنيني 


من الفرقا احس اني بديت ارجع على الجمهور

وانا مبطي من الشعر الحزين اللي يعزيني


اذا مر اسمي وقالو قبلها الشاعر المشهور

تراك الراعي الرسمي لشعري يا معنيني


لشاعرهابخيت البريدي