موقف حصل معايا اثناء خدمتي في الجيش

يوم 2018.05.14

كنت واخد اجازة ٤ ايام بظبط وخلصتها وراجع الجيش تاني ورايح اركب من رمسيس ميكروباص السويس لان جيشي كان علي طريق السويس المهم راكب الميكروباص زعلاان اوي أن راجع الجيش تاني لان انا كنت بقعد ساعات بال ٥٠ يوم منزلش اجازات والاجازة دي كنت نفسي اطول فيها شوية لان كان بعدها بيومين بظبط فرح اختي وقولت كده مش حضر الفرح المهم. وانا في الميكروباص بدا الميكروباص يحمل ناس وطلع بينا. واحنا في الطريق السواق قال كله يبعت الاجرة لان خلاص هنوصل كل الناس بدوء يلمو من بعض وانا دفعت اجرتي والسواق خد الاجرة وقال في كده لسه اجرة ناقصه الناس قالولو ناقصلك كام قال نقصلي ٥٠ج لسه المهم الناس فضلو يقولو اللي مبعتش بقيت الاجرة يبعتها عشان نخلص محدش عايز يرد السواق وقف العربية وقال كل واحد يرجع الاجرة ونشوف مين مدفعش جالي واحد كان قاعد ورايا شكلو مش من القاهرة وتقريبا جي من سفر بعيد وقال بي صوت عالى معلش انا واخويا الي مدفعناش بقيت الاجرة ومش معانا ال ٥٠ج دي السواق قال وانا مالي ومقولتش قبل ما نطلع ليه وبقيت الناس الي في العربية محدش فيهم اتكلم حتي وقال نلم سوا دول ناس الله يعلم بظروفهم جيين منين ومعاهم فلوس ولاه مافيش حد رد خالص استغربت بصراحه من الناس اللي مردتش دي وقولت هوا في ايه حصل ايه في الدنيا روحت دفعتلهم انا الفلوس الناقصه دي بصراحه من كتر الشكر والدعوات الي ختها منهم فرحت جدا جدا وكنت ماشي مبسوط والناس دي حلفت لتديني العملة دي وقالولي تسكار مننا وكتبو عليها. اسماهم وبالتريخ المهم روحت انا المعسكر وطبعا بردو مدايق لان مش هعرف احضر فرح اختي اول ما وصلت لقيت الصول بتاعي بيقولي قائد الكتيبه عايزك وانا طبعا معرفش عايزني ليه قولت يمكن عملت حاجه غلط روحت وانا قلقان القائد قالي انت منين بظبط في القاهرة قولت من السيدة قالي طيب عايزك في شغل هتسد معايا ولاه قولت اعرف ايه هوا الشغل الاول وهرد عليك قالى مأموريه هتجيب ورق من معسكر في القاهرة وتيجي تاني يوم انا طبعا قولت بالمرة احكيلو علي فرح اختي ده وهشوفه هيقولي ايه المهم قولتلو قالى ماشي جيب الورق وخليه معاك وخدلك اسبوع وتعاله قولت الحمد لله.. المقصد في ده كله من فعل خير هيلاقي الخير ومن فعل شر هيلاقي الشر