قابلنى الواد تلميذى

سألته ف الانجليزى

لقيت الواد بتنطط

عليا وناسى نفسه

بيقولى يا عزيزى

هاقفِّل الانجليزى

شميت الكبرياء

والكبر أسوأ داء

عملت فيه معروف

أخدته على هواه

ونزلت لمستواه

لقيته دماغ خروف

عاوز فُرشه وجاروف

سألته سؤال بسيط

لكنه سؤال حويط

جاوبنى بكبرياء

جواب ملهش معنى

لسه هيقول عزيزى

شديت ودنه وقولت

خليك عاقل يا واد

إياك تكون كريزى

لما تكلمنى تانى

تقولى يا أستاذى