ماتحلـــــفوش بـــــــــــــــــراســي
يللي بعـمايلـكم فقـــــدت احساسـي
*****
عمــــــايــــل شـــــــــــــــــــــــينه
حتــى ابليس منها ايـدرق عـــــينه
سلبـتوا المواطن ما لحق عــــوينه
متشرّد هوينا فـي الطريق ايساسي
طــــوابير علــــى الغاز والبنزينه
ريحة القمــامة صكرتــلي انفاسي
*****
امعـيـــــــــــــــــــــــــــــشة غبره
اللي ما يبــــــــــكي خانقاته العبره
واللي انكسر ما تنفعش فيه الجبره
كل مــــن هب ودب صار سياسي
ايــلاطي عــــــديم الفايدة والخبره
اللي قــبل كـــــان مطـرحه لقواسِ
واليـوم صار مسئول نفض الغُبْره
مـــن كثر مشيي ليه ذاب امداسي
*****
ذاب اتــقــــطــــــــــــــــــــــــــع
انقطعن اوصالي والقــلب يتوجع
الفــــكر شارد والعــــــيون ادّمع
انـا حالتي اتسخف القلــب القاسي
يوميات مواطن جار عليه الزمن
