كل سلامى
وحلو كلامى
واحتراماتى
لنصى الحلو
الست مراتى
ضحكة روحى
وبرد جروحى
وابتساماتى
الست مراتى
دايماً أصونها
عمرى ماخونها
وبااقدَّرها
وحافظ دارها
وكل اسرارها
ماهى حفظانى
فى كل حياتى
فى كل حاجاتى
فى كل اوقاتى
ماهى شيلانى
فى كل حالاتى
الست مراتى
عمرى ما هانسى
وأنا بخطبها
وأنا بطلبها
ونفسى أبوها
يقبل طلبى
ويرحم غُلبى
وكل آهاتى
ولما قابلنى
ولما قبلنى
أبقى نسيبه
ابنه حبيبه
ملت الفرحة
كل حياتى
لما خطبت
الحلوة مراتى
عمرى ماهانسى
إنى حفيت
كتير وامشيت
واتمنيت
واتوضيت
وف صلواتى
بقلب دعيت
تبقى مراتى
وكل حياتى
الست مراتى
عمرى ما هاقسى
عمرى ماهنسى
لما الموجه
عليا بتأسى
حضنها مَرسى
هى الزوجة
وقفت جنبى
وقت الحوجة
وقت الدنيا
ما كانت عوجه
وبتكرهنى
ورافضه حياتى
وطالبة مماتى
الست مراتى
لما بتضحك
تبقى الدنيا
كلها طوعى
وانسى دموعى
لما تقولى
إنت فى عز النوة
قلوعى
إنت الساكن
جوه ف قلبى
تحت ضلوعى
إنت الدنيا
اللى أنا عايشاها
وانت الجنه
اللى أنا طالباها
انت الضله
إنت العزوة
وانت الخُلة
إنت حياتى
وقرة عينى
فى كل أوقاتى
الست مراتى
لما فى مره
كنت أتألم
كانت الآهه
تشق ضلوعها
تبكى دموعها
جوا الروح
تضحك ليا
عيونها الصافية
همى يروح
عيونها الدافية
هى حياتى
الست مراتى
عند مماتى
هاموت مطمن
هاموت متأمن
بذكرى وكلمة
وقت الضلمة
جوه ف قبرى
تعوض صبرى
دعوة برحمة
م الست مراتى
كل سلامى
وحلو كلامى
واحتراماتى
للست مراتى
