انا مكتئبة فشخ و الساعة 9 و نص اهو الصبح و منمتش و لا عارفة انام
حزينة لا حقيقي و الله زعلانة و مكنتش متخيلة انى ازعل و اكتئب بالشكل ده عشان ثالث اصدقاء اضيقوا منى عشان بوست اهبل ساخر على الفيس بوك مكنتش متخيلة انهم يظنوا فيا انى واحشة...حلوة...انا مش عايزة حد يظن شئ فيا بالسلب او الاجاب...ده رائي عادى ضمن اراء كثيرة موجودة لا بتقدم ولا بتاخر كان عاندى محدش يعلق على الكمنت ولا يعمل لايك او غيرة و كنت ممكن اشيلة من نفسي اساس الفكرة انه مش حاجة،الفرق بين تويتر و الفيس بوك ان محدش عارفك ولا واخد عليك كانك بتكلم نفسك ذى هنا بالظبط محدش بيشوفك ولا بياخد باله منك ولا فى حد بياخد بالة منى هنا؟!!...
الفكرة انهم فجاءة هجمونى و انا و الله كنت واخدة الموضوع تسلية هزار زهق لا اذاى الانسان مايبقاش انسان الا لو فقع على اخوة الانسان و انا فعلا اضيقت...اضيقت عشان ماعرفتش ارد رد صح..لا اخدت الموضوع هزار و مايستهلش و بعت الرسالة الكيوت اللى بتبقى فى اخر كل كلام "عادى ياقمرات ده هزار و بوست اهبل و كلنا هنموت ياعنى" لا و محدش رد ياعني انا اللى بلطف الجو بعد ماكهربوة و محدش يرد؟
ساعتها فهمت ان دول ناس فى حياتي حشو فائض مش اكثير..
بس المشكلة،انا لو بكتب و بفكر و بزعق و محدش بياخد بالة ماهو لحد امتى اكني بكلم نفسي من غير ماحد ياخد باله مايمكن اكون صح لحد امتى هخاف من قرارات الناس و عدم تقبلها لشخصيتي و ابعد اصل هعيش لحد امتى فى اوضة متنورة مافيهاش حد وقاعدة على الارض بكلم و بزعق و بقول:"يجماعة و اسمعونى" و ابص مالاقيش حد!
ماهو لازم اتكلم و الناس تسمعنى و تفهمنى و ادافع عن نافسي تقبلة كان بها ماتقبلش مش مشكلة تبقى ساعتها مشكلتى او مشكلتهم المهم ماهربش
ساعات الانسان بيضيق من نافسة اكثير من اللى حوالية،وساعات بيضيق اكثير لما يكون شخص واضح و صريح وبيحترم اللى حولية محدش مقدر دا و تعالى يلا السعك على قفك و رغم كل ده يتقالك:"انت طيب اوى بس ماتعملش كدا تانى؟!" و اكثير حاجة تضيق كمان انك بتتخانق مع اللى حوليك و نفسك فى آن واحد!
اعمل اية! يمكن برج الاسد طالع فعلا بيحب يمشي كل حاجة على مزاجة و يمشيها ذى ماهو عايز و بيحاول يكون صاحب كريزمة مش عند حد..اصلة يبقى ذى الناس لية ده احلى حاجة الاختلاف و عدم المسخ بالكربون.
تقبلوا اختلاف اللى حوليكوا و ماتحسسهوش انه نكرة او متخلف كلنا متخلفين و هنموت و هنتحاسب عادى و الله محدش انسان اكثير من التانى.
مش عارفة اذا كنت كمان مافورة الموضوع او الموضوع عادى و واخد اكثير من حقة بس ممكن بكرة افوق وامسح الكلام ده فى الاخر اساسا اهى تسلية صيام و راعى ياللى هتقرا انى و المصحف مانمت لحد دلوقت!
