عندى فقدان شهية فى كل حاجة فى المشاعر فى الحماس فى التفكير حتى فى الكتابة
من ساعة رمضان و مسمعتش ولا اغنية بحبها مش عشان حرام ماا ممكن اسمع بعد الفطار بس مش عارفة اسمع اية ام كلثوم أغدا القاك ولا انجليزي ولا عبد الوهاب
بقعد افكر كدا و اروح اقفل انا اصلا بقالى فترة مابفتحش اللاب كمان
زهق و ملل مافيش حاجة جديدة و شوية شوية بتفقد حماسك و شوية شوية ترجعهم تانى
و ممكن تبقى عامل لنفسك نظام فى الاول تمشي علية و تزهق منه و ترجع تحب تئنتخ على الكنبة تانى
مافيش حاجة معينة عايز اكتب عنه رغم انى عايزة اكتب عن كل حاجة
عايزة اكتب عن رمضان و مسلسلات رمضان اللى مليانا مشاهد تمل اكثير من الفاصل الاعلانى اللى بنظرفة كل 60 ثانية
و عن الناس اللى بتموت و هما لسة مؤمنين بعقيدة و مبادئ محدش غيرهم مؤمن بيها مقصدش حد معين انت ممكن يبقى عندك فكر ما مشي بيه طول حياتك و فكر صح بس تموت بيه و محدش مهتم و ممكن ده كان هدف حياتك اساسا و عايش علية
ناس بتموت ضحية لعبة ظالم بقى مظلوم و كلنا ضحاية لنفس اللعبة و محدش قدر يفكر و ممكن تفكيري غلط اساسا
عايزة اتكلم عن حب اللى مش لاقية او مستنيةاو مش راضي يكمل
عايزة اتكلم عن قد اية من كم يوم عمالت بروني بالشكولاتة كانت حلوة و عاجبتهم فشخ فى البيت
عايزة اكتب عن الملل و الزهق اللى بناعني منه بسبب اكلت حيوان او انفجار مختبر السر العظيم اللى الكل بيدور علية
عايزة اتكلم عن هااا و بعدان هنعمل اية هنفضل كدا ولا هنعمل حاجة
عايزة اتكلم عن الخوف اللى بقى ضيف يومي موجود فى بيوتنا و ان ماما بقت فى توتر حقيقي بسبب اللى احنا فية ده كنت بستهون بالامور النفسية و الضرر النفسي الراجع و كنت بقول قشطة كل حاجة بتعدى.
عايزة اتكلم عن العاقلية اللى بقنا نعيش معها و عن مجتمع غير مسئول و عن مجتمع اللى سيقة مش فاهم حاجة
فكرة ان الحياة ترجع تانى عادى دى كنت فكرها كدا...بس هى الحقيقة مش عادى خالص انا عايزة الحياة يمكن ترجع بس ماشوفش ناس ولا ناس تشوفنى و انزل اعيش حياتي عادى لواحدى من غير لا ضغط ولا توتر بس مش هيضر لو قابلت الناس اللى بحبها و بيحبوني و اتكلمنا مع بعض شوية و مشينا بعد كد!
