الفراق عُمره م كان بإدينا .. كان دايما حد قررو نيابة عننا أو مثلا ظروف أجبرتنا علية .. أو الطرف التاني مبقاش قادر يكمل .. محدش بيجبر نفسه يتألم !
أيوه بُعدنا عن الي بنحبهم ساعات بيبقا قررنا احنا لمجرد اننا ملقناش التقدير و الحب لمشاعرنا أو حسينا في يوم بإهانه .. وجودنا فحياتهم مكنش فارق من الأساس ف ايه لازمته !
في فراق تاني .. ظروف أجبرتنا نبعد عشان سفر او مشاكل او تفكير مختلف او اهتمامات مختلفه .. بس انا دايما بشوف أن الحب والتمسك بالطرف التاني هو الحل لكل دا .. ليه تجبر نفسك على وجع انت مش أدو لمجرد ان مفيش توافق بس هرجع و أقول معظم الحالات دي بتفركش حرفيا عشان مفيش توافق .
بعيدا عن الحب و الفراق بين الطرفين ف في حاجه تانيه مهمه ..
فراق الأهل ...
سفر أو فقد و كل واحد أصعب من التاني .. ظروف أجبرتنا نعيش بعاد عن بعض و مع كل مره كنت بتبعد عنهم فيها بتحس بغصه ف قلبك ووجع صعب يتوصف ومع وجعك دا كنت بتحاول تبين عكس دا عشان إلي ادامك نفس حالتك ف ليه تزودوها على بعض ف تقلبها بهزار وتترسم إبتسامات على وشوشنا رغم كل الي حاسين بيه عشان فاهمين إحساس بعض ف نهدى وحاله من السكون تعُم لحد م نبعد بإبتسامه و وداع هادئ .. كان عشمنا دايما ان مجرد وقت معين هيعدي وهنرجع نكون مع بعض تاني و الدنيا كانت فعلا بتمشي .. حاليًا بقا فإحنا عايشين اليوم بيومه مش عارفين هنشوف بعض امتا تاني ؟هنرجع لحضن الي بنحبهم امتا ؟ قلبنا هيرجع يطمن واحنا جمبهم امتا ؟
الكلام سهل بس الاحساس صعب و مش أي حد ممكن يحس بحاجه من كلامي
أما بقا فراقنا عن أهلنا بسبب فقدهم فأظن أنه أصعب من إننا حتى نتكلم فيه .. كل الي أقدر أقوله أنهم دايما هيبقو عايشين في قلبنا وهنحس أنهم معانا في كل خطوها أحنا بنخطوها ... إلى أن نلتقي...
إختصارا بقا .. طول م في حب ف قلبك لشخص تاني عبر عنه و متستناش و متجازفش بخسارته محدش عارف بكره شايلنا إيه فمتوجعش قلبك بسبب عناد أو خوف من الي جي ...
