تعرف ان الواحد مابيعرفش ينام طول مافي صوت دقت عقارب الساعة جمب وادنة بتئنب الضمير حرفيآ
وتخاليك بدل ماتنام فى سلام وامان تجلد ذاتك وتفكرك بالهم اللى هتصحه له بكرة
اية لازمت الساعات من الاقويل اللى قرئتها على توتر قبل كدا
"وانا لية اجيب ساعة غالية عشان كل ماابص فيها تئنب ضميرى"
عندها حق الصراحة
الساعة دى اكثير حاجة بتندمك على كل حاجة عملتها ومعملتهاش
الاياام
المواقف بتفكرك بكل حاجة
لدرجة انها بتخلى حياتك ذى ليلك وليلك حياتك
ده غير انها بتوترك ذى ماهى موتراني دلوقت
و مخلينى افكر فى شغل بكرة اللى كل شوية باعيد علية و اصلح فية
سبيني انام ياطاهرة
طاهرة اية دى اللى بتتوصف بالعهر اطهر منك
كل ما ابص والقيها دقت بتفكرنى بكل لحظة من عمرى راحت او بتروح او هتروح يخربيتك موترانى
و المشكلة ان معظم كلامانا فية ساعات
ساعات بشتاق ليوم عيشتة وانا صغير
ساعات بفتكرك و اقرالك الفتحة
ساعات بتخنق من طنط الحشارية رغم طيبتة و جدعنتها مع ماما. ملحوظة هى حشرية فعلا بس بتحب ماما جدا
ساعات ببقى عايز اقعد لواحدى ف البيت من غير زن و دوشة او ساعة
اية اللى هيجرى لو عقارب الساعات بتاعت العالم وقفت
ماحنا هنعمل نفس اللى بنعملة كل يوم سواء كان حلو او واحش
هنصحى وننام وناكل ونموت و ندخل الحمام و نتجوز و نشتغل و نمل ونرغي و نضحك
اية لازمة وجود آلة بتعذبنا جسديآ ونفسيآ و معنويآ و اذنين ومش مخليانا ننام
