الساعات فعلا الواحد محتاج يعمل حاجة عشان يحس انه له فايدة و حاة لازم تطلع حلوة و الكل يحبها ده شرطة عشان يحس انه له فايدة لنفسة قبل غيرة يحس انه بينجح لنفسة قبل لغيرة
مش كله داون ولا اب بس احنا فى واقع اليم بالكرونا او من غيرة سيان بس الفرق انت قررت تبقى اية ده المهم
انا بكتب الكلام ده عشان صحيت النهاردة 10 و 16 دقيقة رغم انى نايمة 6 و سبع دقايق الصبح المهم استغلت ان محدش فى البيت قمت عقمت ايدى و دعكت واشى و صنفرت سنانى و داخلت المطبخ كان بقالى فترة عايزة ادخله و اعمل حاجة جديدة بس كنت شرطة انى اعملها لواحدى محدش فى البيت عشان اعرف اعك و اتصرف من غير غمزات ولا نظرات ولا جز على السنان و الحمد الله قد كان و الفكرة انى غاوية ادخل المطبخ و اسمع اغاني عالية فشخ وبحمد ربنا على انى مصرية اصيلة عايشة فى الدور الاخير لا حد فوقية و لا تحتية واللى قدامى غالبا يومهم عكس عكاس لانى بصريح العبارة بحب اسمع الاغانى بصوت عالى جدا وانا فى المطبخ عربي انجليزي اللى يجي معايا انا و اليوتيوب،كنت مقررة اصور الوصفة اللى عملتها و اتكلم و اعمل استورى بس استسخفت نفسي فشخ و حسيت دمى ثقيل روحت قررت اصور عادى بس مش هنزل الفديو عشان دمى اللى يلطش ده مايجبش للناس نقطة المهم عاملت الوصفة والحمد الله كانت حلوة وو قمر بكل حنية و لطف ذى ماالراجل ماقال
عمالت خبز الساور وده عيش فرنسي للفطار و المكونات حاجات بسيطة جدا دقيق و مياة دافية وخميرة فورية ورشت ملح مهم الكمية لان فى الحلتين مهما اتكتب محتاجة قد اية دقيق بتحطى تانى عشان التلزيق و الفرك و محدش هيفهم اللى بقولة الا اللى بيدخلو المطبخ سواء راجل او ست
المهم عمالنا الخليط و مزجني اوى و كورتها و دهنتها زيت و سبتها ترتاح نصاية و للعلم انا بحب كل حاجة تاخد راحتها فسبتها مثلا نصاية و شوية كمان بتاع خمس دقايق او عشرة بحاول فى اللحظة دى اشغل باللى باى حاجة عشان اسيبها على راحتها انا اساسا مش مستعجلة ياعنى
المهم الراجل قطعها نصين انا بفضل ربنا مقطعتهاش عشان شيقها مش محتاجة تتقطع و اعلمها بحالى عادى مش هتتقمص ولا الراجل صاحب الوصفة هياخد على خطرة مثلا المهم زلطتها من الطبق و عفرتها دقيق و عجنتها بكل حنية و ود و جبت بولة تانى فردت عليها فوطة و عفرتها شوية دقيق خفيف فشخ و كورت العجينة بشكل انسيابى ملفت للانتباة كنوع من انواع الاغراق ياعنى و دلقتها على البولة اللى مدفية بالفوطة و قفلت عليها بالفوطة بعد مارشتلها دقيق تانى و سبتها ترتاح نصية كمان الوصفة دى محتاجة حلة يشترط استخدمها فىالفرن فجبت حلت البيركس من النيش بدل ركنتها مستنية عدلى عشان اخدها و انا ماشية كنوع من انواع توفير ماما لعدم استهلاك كل افراد اسرة النيش فى ان واحد فالعبد الله بيسرسب حريتهم واحدة واحدة بالدور و الله ذى ما الشرع و القانون بيقول لا يشتكونى لماما ولا حاجة المهم شتطفتها من الجلخ اللى كان عليها و داخلتها فرن على حرارة متواسطة تقعد جوا شوية و محدش يسئل لية عشان دى كانت طريقة الراجل ماليش فية
و نيجي هنا لمربط مهم فشخ لما نيجي نكشف على العجينة بعد نصية لو لاقينة الطبقة بتاعتها م قوف متمسكة شوية تمام و ده بنكشف علية اذاى بصباع ايدك نضغط بكل رقة و شوقة لو حسيتي انك بتغطسي بملمس ذى الطين لا سبيه كمان ربعاية نصية ساعة الا على حسب ماتحتج المهم فى الكشف الجاى لما نحط نضغط بايدنا ونلاقيها بتدينا رد فعل ذى مالفزيا علمنتا و ترجع تانى قشطة هى كدا خلاص حلال للفرن مافيش حرمانية ولا زنا وكلة بمشورت العجينة نفسها نرش دقيق على قاع الحلة البايركس اللى يشترط دخولة الفرن ندلق العجينة و نرش رشة قيق كمان و نعمل علامة اكس على العجينة ذى مازورو كدا مابيعمل على اماكن ضحاية و نبخ عليها مياة على خفيف..لية...قولتلى لية..عشان هنقفل على الحلة بالغطا و دى عجينة مافيهاش ولا فتوفتة مياة و محتاجين بخار عشان تتفاعل فهنطر قبل مانزفها على الفرن و نقفل عليها نبخلة مياة و نسيبها على قد ماتحتاج على حرارة عالية لحد مانحس القاع خلاص احمر من الخجل و الكسوف من لهيب الفرن بعد ربع او نص ساعة بالكثير مش هتاخد اكثير من كدا بعد كدا نعري من عليها الغطة و ندخلها تانى قيمة ربع او نص ساعة لحد مانلاقى لونة من فوق اتغير ولو هياخد وقت ممكن نولع الشعلة الى فوق فى الفرن لحد مانلاقها وشها اتحمش و بقى سيكسي كدا و بيستنجد بينا نطلاعها و ناكلها مع مربة زبدة جبنة جودة اللى يطلع من زمك ان شاء الله تاكلها حاف هتعجبك ذى مابتعجب اى فرنسي مغربي تونسي بيها يامجيبك يافرنسا!
للعلم انت ممكن تجيب\تجيبي الطريقة من ع اليوتيوب بس يفضل بالانجليزي و اكتبو
How to make sourdough و اختار الطريقة اللى تنسبك
