لسة على الكنبة
قعادي ف البيت بيزيد و هبداء ازهق والمؤشرات كلها لا تبشر باي تفتوفة امل واحدة واحتياجى لاشياء بعيدة و مختلفة بيزيد وبيلح و فراغى هيبقى شئ اساسى كل يوم وحاسة انى اتحبست..لا اتحشرت و مش عارفة اطلع اطلع برا البيت ولا برا نفسي!
مابقتش بعمل اى نشاط غير شوية الكلام اللى بضحك بيهم على نفسي
والامر لو فضل على كدا هبداء اكتئب واتعب جدا و حاسة انى بدفع ثمن غلطة انا ماعملتهاش
و خصوصآ ان الاقاويل والاحداث و الاوامر كثيرة وبتكثير و كل ده عشان نفضل ف البيت طب لو كلنا ف البيت المرض بيزيد لية ولا اذاى؟
و ماعرفش الفترة دى نسميها اية او نقول عليها اية مالهاش اسم و مش عايزة احشر العالم كله بس انا مش لاقية وصف للحبسة دى
بس نفسي اصحى تاني يوم والاقى كل ده خلاص باح وكان حلم ..لا كابوس وانتهى
مش عايزة اقول عندى طموحات واحلام بس حتى لو ماعنديش ده مش سبب كافي يخلي اي انسان يتحبس ومايعرفش حياتة هتكمل اذاى بعد كدا
يمكن الوقت ده هيخلينا نعوض حاجات كثير قدام وانى ابطل اعمل حاجات كنت بعملها و ابداء اعمل حاجات محتاجة انى اعملها وفى نفس الوقت متلجمة و حاسة انها فترة و هتعدى و هنرجع ذى ماحنا و مش عارفة اعمل اية؟!..
