نظرية المؤامرة
تتفاقم الأزمة
بعد إعلان منظمة الصحة العالمية ان فيروس كورونا وباء عالمياً .
و ايضاً إعلانها ان أوروبا اصبحت الان مركز لوباء كورونا .
انا رامي كرم :
و دة #لمن_يهمه_الامر.
#كلام_ليه_لازمة.
في ٢٠١١ المخرج ستيفن سودربرج
( steven soderbergh )
جسد لنا الواقع في فيلم (contagion) العدوي .
قصة فيروس قاتل يبدأ من الصين و في ٢٦ يوم يتحول لوباء يجتاح العالم و يقتل ٢٦ مليون شخص ،
و السبب وراء الفيروس ده كان الخفافيش .
الغريب فعلاً ان هو ده اللي بيحصل في العالم دلوئتي بس الفيلم من ٢٠١١ و احنا في ٢٠٢٠
نفس الأحداث بالظبط من اول مصدر الفيروس لحد طريقة انتشارة.
هل ده مجرد صدفة و لا العالم بيواجة مؤامرة
و حرب بيولوجية .
مع انتشار فيروس كورونا القاتل بأخر نسخه له من الصين و تحوله لوباء عالمي خلال وقت قياسي ، يقتل المئات و يصيب الآلاف داخل الصين و خارجها .
عادت نظرية المؤامرة من أوسع أبوابها .
بعد أن حددت مؤسسات بحثية مصدر كورونا الجديد من الخفافيش او من الأفاعي ، ظهرت تكهنات أخري بشأن الفيروس القاتل ، لتأخذ ابعاداً جيوسياسية ، تعتبر الفيروس سلاحاً بيولوجياً .
يستهدف الصين ابتداءً من مدينة ووهان الصينية لنشر كورونا .
و غياب دليل قوي علي شن حرب بيولوجية علي الصين لم يمنع اقتناع الكثيرين بأن هدف كورونا الجديد إيقاف التنين الصيني من الهيمنة علي الاقتصاد العالمي .
و في اللي رجحوا انها حرب شركات الأدوية بهدف جني المليارات بنشر وباءً في الدولة الأعلي سكاناً علي وجه الارض .
لكن ....
في خبراء قدموا أدلة علي ان كورونا مش فيروس برئ .
ده سلاح ذكي في إطار حروب الجيل السادس .
و علماء هنود فجروا مفاجئة بعد تحليل DNA لكورونا
بوجود اربع سلالات منه في فيروس الإيدز .
بما يوحي في الغالب بأنه مُخلق معملياً كسلاح بيولوجي .
طيب هي الحرب البيولوجية حاجه حديثة او اول مره تحصل ؟
بعد أحداث ١١ سبتمبر ٢٠٠١ بشهر واحد
و العالم كله لسه مفزوع من أحداث تفجيرات إرهابية راح ضحيتها الآف المصابين و القتلي .
خساير اقتصاديه بالمليارات .
و خساير بيئية بسبب الدخان و الغازات السامه .
بعد شهر واحد من الكارثه دي .
اتصدمت أميركا بوفاة اول مريض بمرض .....
الجمرة الخبيثة
المرض القاتل اللي اخر ظهور ليه في اميركا كان من
٢٥ سنة .
للمرة التانية
انا رامي كرم
و ده #لمن_يهمه_الامر.
#تاريخ_الحروب_البيولوجية
و بعد أيام قليلة يظهر ٢٠ حالة جديدة بالمرض
و يخسر اربع أشخاص حياتهم .
و كأن الدنيا ناقصة هلع .
و طبعاً كان صعب جداً تشخيص الضحايا لأسباب كتير
منها :
ان مفيش دكتور يتوقع مرض مختفي كل السنين دي يظهر فجأة كده .
و لأن الأعراض تشبه اعراض البرد التقليدي مع قيئ او ضيق في التنفس .
كان غريب جدا ظهور المرض ده فجأة و بالصورة دي .
و بالبحث المطول اتضح أن قبل ظهور حالات الإصابه بأيام كان في رسايل مرسله من مجهول و محتواها مبهم تقريباً ملوش معني .
مرسلة للاماكن اللي بيشتغل فيها الضحايا .
و من سوء حظهم انهم فتحوا الرسايل اللي فيها غبار فيه مليارات الخلايا البكتيرية المسببة لمرض الجمرة الخبيثة ، اللي بمجرد التلامس معاها او استنشاقها كفيل بانه يكون الضحية الجديدة .
و بعد استجواب حوالي ٩٠٠٠ شخص و ٦٧ عملية تفتيش و اكتر من ٦٠٠٠ امر بالاستدعاء و إعلانات بمكافأت أكتر من ٢ مليون دولار لأي شخص يدلي بمعلومات .
و توجيه التهم لتنظيم القاعدة و للسلطات العراقية و بعدين لعلماء بيشتغلوا جوه المعامل الامريكيه نفسها .
و بعد كل ده
فشلت كل الجهات المختصة في معرفة المجرم لحد انهاردة .
الأسلحة البيولوجية او الإرهاب البيولوجي .
هو الاستخدام المتعمد للفيروسات او البكتيريا او اي جراثيم مسببه للأمراض .
بهدف ايذاء اي انسان او حيوان او نبات .
و هو أحد انواع أسلحة الدمار الشامل .
و ده مش سلاح حديث و ظهر مع التطور الطبي و العلمي .
لا ..
*وقائع قبل الميلاد بتقول ان بعض الجيوش كانوا بيتعمدوا يغرسوا رؤوس سهامهم في الارض قبل ما يطلقوها علي أعدائهم ، رغم انهم مايعرفوش ان التربه فيها بكتيريا ممكن تسبب عدوي قاتله ، مايعرفوش اصلا ان في حاجه اسمها بكتيريا او فطريات .
بس كانوا عارفين ان جروح السهام الملوثة بالتراب كانت بتلتئم ابطئ و اصعب .
*في القرن ال ١٣ كانت جيوش المغول خطر مرعب
بسبب سرعة انتقالهم و انتشارهم و بالتالي سرعة انتشار الأمراض المعدية معاهم .
في أقل من قرن واحد ( ١٢٠٦ - ١٢٧٩ ) كانت جيوش المغول سيطرت علي معظم اسيا و اوروبا و نشروا معاهم واحد من أخطر الأمراض في التاريخ الطبي كله
الطاعون او الموت الاسود .
اللي قتل اكتر من ٢٥ مليون شخص من سكان الصين
و خلص علي تلت سكان اوروبا.
و غير شكل التاريخ كله في القارتين دول .
ده غير انهم استخدموا جثث الجنود و الحيوانات اللي بتموت بالمرض ده كا سلاح ضد العدو .
الجثث بحالها .
و ده لان بردو ماكنش عندهم فهم واضح للمرض و لا للبكتيريا المسببة له .
كانوا فاهمين ان الريحه السيئة جدا اللي بتطلع من الجثث هي اللي بتعدي غيره .
فا كانوا بيقذفوا جثث موتاهم من فوق أسوار المدن اللي عاوزين يقتحموها .
تنشر المرض و الموت عند العدو فا ينتصروا .
*في الماضي القريب جدا
خلال الحرب العالميه التانيه
اليابان لوحدها سممت ١٠٠٠ بئر مياة بيشرب منها الصينيين بالكوليرا و التيفود .
ده غير نشر بطاطين و ملابس ملوثه بالبكتيريا المسببة لمرض الطاعون و نشر كميات ضخمة من الحشرات اللي بتنقله ، في عدد كبير من المدن الصينية .
لحد ما وصل عدد الضحايا حسب بعض التقديرات حوالي ٣٠٠ الف قتيل .
بعض الضحايا مكانوش بيتسابوا حتي يعانوا و يموتوا في سلام .
كانت القوات اليابانية بتاخدهم و تحتجزهم في سجون ضخمة عشان يستكمل الأطباء تشريح و فحص أجسامهم كحيوانات تجارب .
و الأمراض استمرت في الانتشار طبعاً حتي بعد الحرب ما انتهت .
لحد سنة ١٩٤٧ بعد الحرب بسنتين كان اكتر من ٣٠ ألف شخص بيفقد حياته سنوياً بسبب الأمراض دي .
ايوة
اليابان
اكتر شعب عنده أخلاق و مبادئ
كان بيستخدم المرض كسلاح ضد اعداؤة
عاوز اقول ان القنابل البيولوجية دي قتلت اكتر من اللي قتلته القنبلة النووية نفسها اللي اسقطتها أمريكا علي اليابان عشان تنتهي الحرب .
المرعب ان بعد نهاية الحرب تم القبض علي عدد من العلماء و الأطباء اليابانيين المشاركين في عمليات تصنيع و استخدام الأسلحة البيولوجية ، و المتوقع كان اعتبرهم مجرمين حرب ، و معاقبتهم علي جرائمهم البشعة دي .
لكن لا .
امريكا قالت لليابان انتوا استخدمتوا قنابل بيولوجية و احنا استخدمنا قنابل نووية و محدش احسن من حد ، هاتوا بقي النتايج الطبية اللي استخلصتوها من خطوات استخدام الأسلحة دي و من عمليات التعذيب و القتل و الابادات الجماعية اللي عملتوها .
هاتوها و نطلق صراح علمائكم .
و فعلاً .
تم الإعفاء عن كل المتورطين .
و بدؤو يكسبوا احترام المجال العلمي .
و كمان يشتغلوا في مراكز الأبحاث و شركات الأدوية.
يعني مثلاً ابو الأسلحة البيولوجية الياباني
شيرو إيشي( shiro ishii )
اللي اقترح اصلا انشاء برنامج الأسلحة البيولوجية اليابانية أثناء الحرب العالمية الثانية .
وتحولت سيرتة من مجرم حرب لعالم كبير له أبحاث منشورة ، و ده طبعا بعد تبديل كلمة انسان او شخص في كل الأبحاث ل قرد او حيوان تجارب .
انا مش بتكلم عن تخوفات و توقعات انا بتكلم عن حوادث حقيقية جداً .
حصلت علي ارض الواقع و اترصدت.
متخيل خطورة السلاح ده ؟؟؟
هبسطهالك
* سلاح مش متشاف بالعين المجردة .
* ملوش صوت .
* تصنيعة و نقلة و استخدامة مش ملفت للانتباة.
* سلاح ممكن يقتل أعداد أكبر من اللي بتقتلة القنابل النووية و خلي بالك من غير ما اي جيوش تواجه بعضها ، يعني الخسائر من طرفك zero .
و كل ده تكلفتة بسيطه جدا قصاد تكلفة الأسلحة الحربية التقليدية .
سواء انت مع ام ضد نظرية المؤامرة .
التقرير ده بيتكلم عن الحروب البيولوجية .
للتوعية و المعرفة مش اكتر و مش الغرض منه التخويف او فرض فكرة معينة ولا توقع أسباب الأمر الواقع حالياً .
اما بالنسبة لفيروس كورونا .
القاتل الجديد .
فا الأمر الواقع دلوئتي انه موجود و بينتشر بسرعة رهيبة و ملوش علاج حتي الان .
كل اللي اقدر اقوله ان لازم الكل يحس بخطورة الموقف و يخاف علي نفسه و علي أفراد أسرته و يحاول انه ينفذ خطوات الوقاية المعلنة من منظمة الصحة العالمية .
الدكاترة هي اللي بتواجع الأزمة الحالية و هما الأكثر عرضة للمرض يمكن نسب انتقال الفيروس ليهم اكتر بكتير من نسبة انتقال الفيروس لأي حد تاني لانهم يعتبروا حائط الصد اللي بيواجه سواء بالعناية بالمصابين او بإجراء الأبحاث علي الفيروس للوصول لعلاج فعال .
الدكاترة بتواجة الأزمة بكل شجاعة و تضحية .
و لازم انت كمان تكون اد المسؤلية و تحافظ علي نفسك علي اهلك و اصحابك .
لازم الكل ياخد باله و ينفذ الخطوات الوقائية .
كل أمنياتي بالشفا و القوة لكل محاربين الأمراض في كل مكان .
Rami karram
