ترا خبر يا سي برنار

على الفجار

اللي جابوا الناتو للدار

** ترا خبّر **

قال مانك غابي

ماكنت امداير في احسابي

الليبيين ايصيروا اصحابي

ندهور من دار لدار

عزومه وانكشّر في انيابي

تفــــنيصت اسد على فار

*********

ترا خبر ياسي بوشنّه

شن صار في الأربع نسوان

قلتوا ليبيا بتولّي جنّه

لهطوها جماعة الاخوان

المعيشة ما عاد فيها بنّه

الليبيي كايد في (القنّان)

ايكابر ودموعه خذلنّه

جرارير على الخد اتبان

مسحهن بكمّه حرقنّه

قعد يطلب في عالي الشأن

ايهني الوطن كبار صغار

ويصير اعمار

ويرحل عنا الاستعمار

**************