#الحب
مع مرور الوقت اكتشفت ان الحب دا شئ ساحر قوه خفيه
بتخليك تتقبل اى شئ وتعدى اى شئ مهما كان
-#فمثلا بنتحمل علاقات ناس فى حياتنا وبستحملهم بس عشان خاطر بنحبهم وان لو الحب دا مش موجود لا يمكن كنت هتستحملهم او تتعامل معاهم مهما حدث ومش شرط يبقى حبيب ممكن اخ اوخوت او اصحاب او قريب او حتى حيوان بتربيه فى البيت المهم انك هتلاقى نفسك بتتنرفز وتتعصب وتغضب وبعدين تنزل على مافيش بس عشان بتحب
-#لا دا انت كمان بالقوه السحريه دى ممكن تبقى مبسوط جدا زى الاهبل لمجرد لما تلاقى الشخص الى بتحبه دا بقى ناجح او فرحان او حتى بيضحك فالجدير بالذكر انى مممكن اتفرج على فيلم كوميدى جدا وابقى مبسوطه وبعدين اتفرج عاليه تانى مره مع حد بحبه اخواتى او بابا او ماما مثلا او حتى صحبتى فرجتى عليه فى تانى مره بتبقى ممتعه جدا واكتر من اول مره لان المره التانيه ببقى مستمتعه برد افعالهم مش بحركات الفيلم
-#بس زى اى حاجه فى الدنيا ليها سلبيات او اثار جانبيه
فقوه الحب دى ممكن تموتك من الالم والحزن لخوفك على حد بتحبه وتغير مزاجك 180درجه لو اتخنقت مع حد بتحبه مامتك اخوتك اخوك باباك صحبك المهم ان ممكن يدمرك لو عرفت انهم اتحطوا فى مشكله وانت مالكش دعوه بالموضوع اصلا
-#بس الاكيد بقا ان قوه الحب السحريه دى بتحتاج دايما للى يسيقها ويرعيها حتى لو كل فتره وكل ماترعيها تزيد وتلمع وتبقى اقوه وكل مايقل اهتمامك بيها بتقل وتفطر وتضعف
-#وممكن تضعف لحد ماتختفى خالص ولو اختفت ماحدش هيضر غيرك لان الى بيحب هو الى هيبقى احسن واقوه لانه هيبطل يحس بالالم والحزن والموت الى انت بتسببهوله
-#الخلاصه حافظ على العلاقات الى حواليك حب اوى واتحب اوى حاول تفهم السحر بتاع الحب وقوته المهوله الى بتخلينا نضحى باى حاجه فلوس صحه مجهود وقت شغل اى حاجه عشان خاطر الى بنحبهم ولو انت فقدت السحر دا حاول ترجعه من جديد حاول تجدد علاقاتك من الاول تانى
-#ولو انت بقى الطرف الى بتحب والى قدامك اهملك لحد مابطلت تحب وقولت خلاص انا تعبت اعرف انك انت الى كسبان عشان اترحمت من الم وحزن سببهولك شخص لا يستحق ان يملك سحر قلبك :)
#فكره_فى_بالى
