الحقونا أغيثونا اهل البدع والفجور عايزين مصر تبقي دولة علمانية يعني عايزنها دولة كافرة فاجرة
لاء ياسيدي مفيش حد عايز مصر (تبقي) دولة علمانية.لإن مصر دولة علمانية فعلا بمفهومها البسيط ومدنية بمفهومها العميق وحضرتك واحد من أتنين اما فاهم ان مصر علمانية وبتضحك علي الغلبان اللي تحتك أو أفيه دقن فوق منك بتضحك عليك لتحريك عواطفك الدينية اللي دفع دم قلبه عليها.
وحضرتك واكل شارب نايم لو مؤاخذة **** في أم الدولة العلمانية منذ نعومة اظفارك إزي ده حضرتك في سيادتك أقولك بس بشرط توقف غباوة سيادتك لحظات وإرجع تاني ليها مفيش عندي أيتوها مشكلة بص ياسيدك
✴لما تقف حضرتك بالطابور وتحي العلم كل يوم الصبح وتقول تحيا جمهورية مصر العربية وتردد نشيد بلادي بلادي.وماتقولش آيات دينية كنشيد وطني تبقي حضرتك من الحضانه عايش جوه دولة علمانية
✴لما تطلع الفصل وتبدأ حصة الدين ويتم تقسيم الفصل بتناغم لفصلين لديانتين مسلم ومسيحي ثم يتم اعادة دمج الفصلين لفصل واحد بإنسياب يبقي حضرتك غرقان بإنسيابية بدولة علمانية
✴لما مادة الدين تكون خارج المجموع بجميع المراحل الانتقالية والشهادات عشان العدالة وتكافؤ الفرص ماعدا الشهادات الأزهريه طبعا لان المجموع يشمل الدين لانها مؤسسة دينية سيادك.. يبقي حضرتك نايم وبتشَخر جوه دولة علمانية
✴لما تخلص المدرسة ومتلاقيش شرط عنصري أو ديني او مذهبي غير مجموعك أو لياقة جسدية يحدد دخولك الكلية تبقي حضرتك راكب عجلة جوه دولة علمانية وفرحان ومبروك عليك كليتك
✴لما تتخرج وتدخل الجيش إجباري ولا يشترط ديانتك ايه وتلاقي زمايلك مسلم ومسيحي او إخواني ملعون متخفي بصفوف موحده ومفيش حاجة أسمها جيش محمد أو يسوع يبقي حضرتك بتحمي وبتخدم في أم الدولة العلمانية
✴لما تكون نازل تصلي وتقابل عمك جرجس وتقوله السلام عليكم ويقولك عليكم السلام وتسمع صوت اجراس الكنيسة قداس الأحد وتدخل الجامع تصلي وتعلي الميكريفون تبقي كده حضرتك علي توائم مع الدولة العلمانية
✴ لما حضرتك تتعامل مع بنوك رباويه برضاك او غصب عنك أحيانا تبقي حضرتك مش بدولة إسلامية ودستورها مرجعية اسلامية تؤ حضرتك كده جزء من علمانية الدولة وتساهم في تنمية أقتصادها
وبالمناسبة تعال هات ودنك مفيش حاجة اسمها بنوك إسلامية دي معمولة لراحة نفسية دقن سيادك في حضرتك وشوف جيرانك بالخريطة اللي صدعوا دماغك ليأسلفوا حضرتك معندهمش بنك اسلامي واحد غير فرع بنك دولي اسمة التنمية . خدها مني ثقة حتي لو افتالك فيها الحويني وبرهامي وحسان بذاته ما ياحرام هيشيلوا فلوسهم فين واخدلي بالك حضرتك ويمكن حضرتك تكون متأكد من كلامي بس بتستعبط حضرتك ولعلمك البنك الوحيد الاسلامي بالعالم قولا وفعلا موجود بقبرص فيما عدا ذلك كلهم بنوك تجارية بل اقذر منهم لانهم بينصبوا علي دقن حضرتك مرتين ..فهمت غباوة حضرتك
✴طبعا عقل حضرتك ممكن يشتغل زي عود الكبريت ويشط فجأة ويقولي انتي بتتكلمي علي المواطنه والمدنية مش العلمانية..لاء سيادتك هي دي العلمانية بمفهومها البسيط اما مفهومها العميق حط عليها تقنين شوية شذوذ.. أمريكا بجلالة قدرها لسه مقننه حاجة واحده شاذه من شهرين ....اما عندنا بمصر فأطمئن عارف الواد شمروخ سباب الدين عمال علي بطال وعمره ما ركعها قسما بالله وبقولها عن ظهر الغيب هتلاقيه نزل قبل منك بالشارع معترض ويكون حضرتك لسه بتلعب بدقنك وبتفكر هتنزل تعترض فردي والا تنتظر تتحرك جماعي بتوجيهات من دقن اطول من دقن حضرتك.
عرفت حضرتك ان مصر علمانية منذ قديم الازل حتي بعد دخول سيدنا عمربن العاص...طيب ليه مفهمينك كده..ده موضوع تاني احاول الخصه لعقلية حضرتك لانه مرتبط بدولة أخري وحضرتك قوتها الناعمة السياسية ليهم...زي ما مصر لها قوي ناعمة بأفريقيا وبعض دول عربية حضرتك مستدم كقوي ناعمة ضد بلدك رغم...اكرر ...رغم انك لم تفعل شئ ضد بلدك ولكن كنت علي اهوبة الاستعداد لتفعل لو استلمت فتوي بس عشان في توافق رؤي للدولتين جت اوامر لكبار الالهه لديكم ان اصبروا ورابطوا ولاتجنحوا للاخوان كليتا...احكيلك حدوتها بعدين
سلام حضرتك
أمينة سليمـ
مصرية...موحده بالله ...متدينه
لم اترك فرض او سنة الا وخضعت لها طوعا لله رب العالمين عشان حافظه وعارفة دماغ حضرتك هتقول سافرة متبرجة وفي هذه الحالة هقولك طــــــــز فس فش حضرتك 📢
