في 2014 و2015 كنت أحضر لقاءات ريادة الأعمال وقصص النجاح وشباب الأعمال 

وأرجع مشحووون أبغى أبدأ في مشروع يجيب ملايين وافكر وافكر واخطط وابحث ايش ممكن اسوي واصير ثري مليادرير بسرعة إلى أن وصلت لفكرة خيالية ممكن تجيب فلوس مرررة كتيييرة في وقت مررررة قليل !

( هذا قبل ما أخذ كورس ريادة الأعمال )

الفكرة كالتالي : بطاقة ممغنطة زي بطاقة البنك أقدر أحصل على خصم كبير من 20 إلى 50% 

عند كل عملية شراء أقوم بها يوميا من أغلب المتاجر والمحلات .

في السعودية 10 مليون شاب , أحتاج إني أبيع البطاقة لمليون واحد فقط باشتراك سنوي 100 ريال 

يوفر عليه اقل القليل 1000 ريال في السنة + اني احتاج اروح للمتاجر والمحلات الكبيرة واقولهم عندي مليون عميل معاه البطاقة واكيد يوافقو باعطاء خصم كبير لأنه يضمن عملاء كثييرين مررة !

المهم ايش تحتاج يا سمير عشان تسوي المشروع وتجيب مية مليون في السنة ؟!

بس احتاج عشرة مليون ريال عشان اصمم البطاقة واطبعها  والتسويق وموظفين ومقر للشركة وكدا شوية فزلكة و شغل محترم عشان اقدر ادخل لمزودي الخدمات بكلام تقيل واقول بالفم المليان عندي لك مليون عميل مضمون ؟!

وبس هذه الفكرة وسنة كاملة وانا احلم أحلم وردية وسوبر هيرو سويت فكرة جهنمية محد سواها قبلي !

وبدأت مشوار البحث عن مستثمر ب10 مليون وأعطيه زيادة 500% بعد سنة بالضبط 

ولي 50 مليون ريال كاش وعييييش احلى حياة :)

<

حوار شبه حقيقي ..

س : عندي فكرة مشروع يجيب 100 مليون في السنة بس احتاج 10 مليون عشان انفذ الفكرة ؟

ج: ايش الفكرة طيب ؟

س : ما اقدر اقول الفكرة ؟ لو قلتلها خلاص راحت علي ؟ واذا انسرقت الفكرة راح انتحر هههههه

ج: طيب كيف اعرف جدوى الفكرة ؟ وايش المجال !

س: ما ادري بس شوف لي 10 مليون حتى لو انت واصحابك تقطو وبعد سنة تأخذ مني 50 مليون ريال كاش صافي وافي بدون اي كلام  .

ج: تعال قرب شوية عشان لحد يسمع .

كنت في الكرسي المقابل ,, فقربت الى أن وصلت لمستوى قريب منه 

وأعطاني كككككككككككككككككككككككككككككككككف !

---------------------------------------------------------------------------------------------------------------------------------

https://twitter.com/aaahariri/status/1125543219494903809