#الجزء_الثالث ❤
كنت شوي وبدي أضرب زوجتي من كلامها، تركتها تحكي ورحت على الغرفة وسكرت الباب وما رضيت افتح لحدا ، طول الليل ما عرفت انام وانا بفكر واتصل من هان ل هان ، م في أي نتيجة كأنه انشقت الأرض وبلعتها لأمي 💔
طلع الصبح لبست وبسرعة وبدون ما افطر حتى طلعت من البيت مثل الملهوف مشان أدور على أمي.
مواقف امبارح تكررت نفسها اليوم ما في أي نتيجة ، ما خليت ولا زاوية غير ودورت عليها ، ما خليت ولا محل غير رحت عليه ، ما خليت ولا شخص غير وسألته عن امي لكن بدون نتيجة...
مرّ ثلاث أسابيع وعلى نفس الحال إلي بشوفني كان يحكي عني مريض نفسي ومجنون ومركوب بشي ..
في يوم من الأيام الصبح على الفطور اتصل عليا رقم غريب ما كنت بعرف مين ، رديت وحكيت" مرحبا مين معي "؟!
رد ابني كمال ؟ أنا خالتك سلمى اتزكرتني؟
رديت " اااه خالتي شو اخبارك من زمان عنك ولله "
ردت تمام اسمع يا ابني ، أمك....
قبل ما تكمل كلامها حكتلها أمي عندك ؟! أمي بخير صح ! وين امي بدي أشوفها يلا احكيلي يا خالتي تعبت كثير لما دورت عليها ما خطر عبالي أنها تكون عندك
حكتلي "استنى يا ابني أمك حالتها الصحية سيئة جدا جدا وهلأ هيا في العناية المركزة تعال بسرعة شوفها يمكن تكون آخر فرصة لإلك وسكرت الخط وهيا بتبكي 😔
رميت التليفون ،شو بتحكي خالتي ؟ كيف يسير هيك ! أمي لااا هيا بخير أنا متأكد ، طلعت بسرعة من البيت بدون ما أرد على أسئلة زوجتي ، وركبت سيارة فورا ، كان الطريق مزدحم والطرقات مسكرات بسبب المظاهرات وحال الشعب ، مثل المجنون كنت أزعق وأجري مشان أوصل لعند أمي
وأخيراً وصلت على المستشفى شفت خالتي سألتها وين امي ؟
بس لما شفت خالتي مش هيا خالتي إلي بعرفها ، عيونها متورمين والدموع بتنزل منها مثل المطر ، حكتلي يا ابني لحق حالك يلا 😓💔
بسرعة سرت أجري مشان أشوف أمي، دخلت الغرفة كان رح يُغمى عليا
لا هادي مش أمي ، أنا لما تركت أمي كانت قوية وبصحتها كيف فجأة بتسير مثل هيك ؟ جريت لعندها وحضتنها بكل القوة إلي عندي حسيت حالي أني ممتلك كل العالم 💙
وحكتلها يما اشتقتلك وين كنتي أنتِ ؟ يما سامحيني يما
طلعت فيني ومسكت ايدي وحكتلي مسامحتك يا ابني وتركت ايدي ...😊💔
كانت آخر كلمة اسمعها من أمي طول حياتي 💔
المستشفى تحولت لصراخ ، صرخت وعيطت بأعلى صوت عندي ،
ضليت أصحي أمي كنت على أمل أنها تصحى لكن ما صحيت
اجوا الدكاترة وغطوها بالأبيض وخالتي حكتلي عظم الله أجرك 💔
ندمت كثير لأني تركت أمي ، كنت عارف أنه الموت رح يسرقها مني فجأة بس لسا مو وقته للموت لكن بالآخر قضاء وقدر الله .😁
خالتي اجت وحكتلي .....
#انتظروا_الجزء_الرابع💁
#خربشات_أسيل 💙
