بسم الله الرحمن الرحيم ..
تفاصيل رحلة Meet الى اليابان خلال موسم ربيع 2019 ..
// الفعاليات ..
#طوكيو ..
1- ليلة الوصول الى اليابان تكفيك فعالية اخراج بطاقة سويكا Suica للتنقل في القطارات والباصات وكذلك تقدر تحاسب فيها من بعض البقالات زي 7-Eleven و Family Mart .. بعد اخراج البطاقة وشحن الرصيد نروح لفعالية ركوب اول قطار والتوجه الى الفندق والنوم مباشرة لان من بكره عندي فعالية حماسية ..
2- وعلى طول ابدأ بحفل Anime Japan 2019 الرهيب والكبير جدا .. بعد الحفل فقرة التمشي في منطقة Tokyo Big Sight ..
3- التجول في معبد وسوق Sensoji Temple بعدها صعود قمة برج SkyTree والتمشي في المنطقة القريبة منه .. بعدها Sumida Park .. بعدها رجعت لمعبد Sensoji Temple .. كل اماكن هذا اليوم رهيبة في الليل كذلك ..
4- يوم شيبويا Shibuya فيها الكثير من الاماكن الكويسة والحدائق والمحلات الكبيرة وفيها ممشى كان حلو في وقتي Meguro River والتقاطع الرهيب Shibuya Scramble Crossing وفيه مجسم الكلب Hachiko ومتجر One piece .. والكثير من الاماكن الاخرى .. حللوا التقاطع واعملوا جلسات تصوير فيه ..
#اوساكا ..
5- سافرت الى اوساكا عن طريق الشينكانسن وامضيت باقي اليوم في منطقة دوتونبوري Dotonbori ..
6- التمشي في منطقة Nipponbashi DenDen town وفيها محلات انمي والعاب ومنها Jungle osaka و Animate Osaka Nippombashi بعدها تقدر تمشي في ممر 源聖寺坂 ياه هذا اسمه وتتجه منه الى Ikutama Park .. اسم الممر عندي اللي يبيه يسألني في الخاص عنه xD .. بعدها توجهت الى HEP FIVE FERRIS WHEEL ثم الى Umeda Sky Building مبنى كبير ورهيب وفيه حديقة جميلة تنزل لها وتستمتع ..
7- قلعة اوساكا Osaka Castle القلعة مكان كبير حلل كل زاوية فيها .. وبعدها الى كوبي الجميلة Kobe تستحق الزيارة فعلا ..
8- ملاهي يونفيرسال استوديو Universal Studios .. اذا بتروح للملاهي اشتر تذكرة الدخول السريع للالعاب Express Tickets ولا لا تروح ابدا ..
9- مدينة المسطحات الخضراء والانهار والغزلان الجميلة نارا Nara ..
#كيوتو ..
10- سافرت الى كيوتو عن طريق القطار العادي لانها قريبة .. ومن اول يوم وصول كانت الاجواء حافلة .. كيوتو مدينة جميلة .. بعد الوصول تمشيت في Maruyama Park ومنها الى Yasaka-Jinja Shrine .. بعدها تمشيت وتجولت في الاحارات المحيطة بالمكان وكانت جميلة .. ثم توجهت الى منطقة الجسور والسدود Gion Tatsumi Bridge ..
11- يوم قصر الامبراطور Imperial Palace .. بعدها الى منطقة Ninenzaka والتمشي فيها وصولا الى kiyomizu temple ..
12- يوم الجلادين واصحاب اللياقة يوم Fushimi Inari Shrine .. رحلة الصعود للاعلى وعبور كل البوابات كانت ممتعة مع ان في بعض اللحظات ستشعر بالوهن xD .. لكن تقدر تريح ثم تكمل .. مكان ممتع .. بعدها تمشيت في المنطقة المحيطة بـ Kyoto Tower ..
13- اشجار البامبو سيقان البامبو اعواد البامبو سمها اللي تسميها يوم التمشي بين اشجار البامبو في Arashiyama Bamboo Grove ومنها الى Tenryuji Temple وبعدها الصعود الى القرود ياه قرود في Arashiyama Monkey Park Iwatayama .. بعد ما خلصت من القرود ونزلت اجرت قارب .. تجربة القارب جميلة جدا لما تجدف بنفسك وتتعلم الطريقة وتبدا تقطع مسافات .. امر يستحق التجربة .. وبعدها توجهت الى المعبد الذهبي Kinkaku-ji Temple ..
#طوكيو ..
14- سافرت من كيوتو الى طوكيو عن طريق الشينكانسن وصلت السكن نزلت الشنط ومن بعدها مباشرة الى المنقطة الاكثر من رائعة اودايبا Odaiba فيها الكثير من الفعاليات ابرزها مجسم الغاندام بالطول الحقيقي Unicorn Gundam Statue وفيها بحر جميل وممشى واسواق ومتجر مجلة شونين جمب JUMP SHOP ومبنى تلفزيون فوجي Fuji TV Building والكثير الكثير ..
15- يوم الحدائق والمسطحات الخضراء Shinjuku Gyoen National Garden ومنها الى Hinokicho Park مكان رائع جدا وبعد المغرب الانوار تجمل المكان اكثر ..
16- هاراجوكو Harajuku فيها شارع رئيسي لمحلات الماركات والشارع الشهير المزدحم جدا المليء بالانفس البشرية المتلاصقة Takeshita Street.. وتقدر من خلال هذي المنطقة -هاراجوكو- تتوجه الى شيبويا مجددا وبرضو الفعاليات كثيرة جدا فيها اختار منها ما يناسبك بعد البحث ..
17- اكيهابارا Akihabara وما يحتاج اكتب اي شيء عنها .. فقط اوصل للمكان واستمتع انمي والعاب وصخب xD ..
18- اكيهابارا Akihabara مجددا ..
19- اليوم الاخير من ناحية الفعاليات توجهت الى Sensoji Temple والمنطقة المحيطة به مجددا ومن ثم الى اودايبا Odaiba الجميلة جدا مجددا ..
20- يوم العودة للوطن ويا لها من عودة ..
// التكاليف ..
- المدة: 20 يوم
- الطيران: 4500
- السكن في 3 فنادق مختلفة غرفة بسريرين: 8300 .. ولأننا كنا شخصين خلوني اقول كلفتني انا: 4150
- تنقل + اكل + كل المصاريف الاخرى كلها كلها : 5000
- المجموع: 13,650
- لذلك خلوني اقول تقريبا كلفتني السفرة عموما 14,000 لمدة 20 يوم :)
// توصيات على السريع
- مدة السفر .. حقيقة انا انصح الكل يطول في سفرته ليضاعف المتعة .. اليابان كبيرة .. ف الاماكن الكويسة كثيرة .. لذلك مسألة تفكر تسافر لمدة اسبوع بقول لك زي ما قلت لبعض الاصدقاء انها قليلة .. واغلبنا يحب اليابان لذلك اسبوع قليلة علينا .. انا سافرت 20 يوم واحسها كانت قليلة وخلصت بسرعة .. لذلك انصح ان المدة تكون طويلة قد ما تقدر على حسب مدة اجازتك وميزانيتك .. والاماكن والفعاليات اللي تبي تغطيها في اليابان ..
- الفعاليات انا حاولت اذكر الاماكن اللي قدرت اوثق اساميها لكنها اكثر من ان توثق كلها .. اما انت خذ اللستة هذي وراجعها وشف هل تناسبك وتسوى؟ وعليها قرر وش تاخذ منها ..
- انت لا تلتزم بهذي الخطة ابدا .. انما خذ وقتك في البحث عن كل الاماكن في اليابان وعليها اعمل خططك الخاصة .. ارجع واقول خذ وقتك في البحث واعداد خطة مناسبة ..النت فيه كل شيء ..
- حول مبلغ الى عملة الين الياباني قبل توصل لها .. اقلها يكون عندك 5 الى 10 الاف ين لما توصل لها عشان تطلع بطاقة سويكا وتشحنها ..
- اول ما توصل لمطار طوكيو اسأل عن مكان استخراج بطاقة سويكا واشحنها في لحظتها .. لا تقلق انت اسأل وراح تحصل من يساعدك بخصوص كل شيء .. لا تخجل ابدا ابدا .. وبرضو تقدر تبحث في اليوتيوب عن طريقة استخراج البطاقة وشحنها ..
- خذ وقتك قبل الركوب للقطار -حتى الباص- والتأكد من اتجاه القطار .. اقرأ اسماء المحطات اللي بيمر عليها وقارنها مع وجهتك .. وبرضو تقدر تسأل الموظفين وراح يعلمونك تركب اي قطار ..
- عشان تسافر بقطار الطلقة الشينكانسن لازم تشتري تذكرة خاصة غالبا قيمتها من طوكيو الى اوساكا حول 500 ريال تقريبا وكان نوع التذكرة Non-Reserved Seat .. فتقدر تشتري التذكرة من مكاتب الـ JR Ticket ابحث عنهم من خلال غوغل ماب .. غالبا بتحصلهم في المحطات الكبيرة ..
- اذا ناوي تشتري حاجات كثيرة خذ معك شنطة كبيرة لان جديا ممكن تتحمس وتشتري امور كثيرة .. او تقدر تاخذ شنطة سفر متوسطة واخرى صغيرة وشنطة ظهر ..
- الاكل؟ الحلال موجود في طوكيو واوساكا وكيوتو .. وتقدر تحمل تطبيق Halal Gourmet للمطاعم الحلال ..
- طوكيو واوساكا اسكن قريب جدا من محطات القطارات 100 الى 200 متر كحد اقصى لان اغلب التنقل بيكون بالقطارات .. كل ما كنت اقرب كل ما كان اريح وتذكر ان في بعض الاوقات بتسحب الشناط معك في الشارع xD .. كيوتو اسكن قريب من محطات الباصات لان اغلب الاماكن مغطية عن طريق الباصات ..
- تجنبوا ركوب القطارات في اوقات الذروة اللي هي اوقات ذهاب وعودة الموظفين لانها بتكون زحمة زحمة زحمة .. ولو اضطريت وقتها بتتعلم كيف اليابانيين يتعاملون مع الزحمات سواء في الدخول لعربة القطار او الخروج منه xD ..
- اختار موسم مناسب للسفر .. اعتقد الخريف والربيع جيدين جدا ..
- لغتهم الانجليزية احيانا ضعيفة ..
- السكن كان صغير جدا جدا جدا ..
- اذا بتشتري بأكثر من 5 الاف ين من المحل نفسه .. بعض المحلات بتعطيك خصم في حال اعطيتهم جواز السفر .. وراح يدبسون الفواتير في جوازك .. واذا وصلت المطار قبل ترجع .. تروح تسلمها لاحد الاقسام وياخذون الفواتير من الجواز .. والخصم يحصل في نفس وقت المحاسبة من المحل ..
- بالنسبة للفيزا السفارة اليابانية عندها موقع من خلاله تقدر تملئ الملف اللي يحتاجونه وتطبعه .. اسمك ومعلوماتك .. وصورة او صورتين شخصية لك 4×4 تلصق في المكان المشار اليه في الملف .. انتبه لا تدبسها انما الصقها .. وقيمة الفيزا 95 ريال ..
- قبل تروح لفعاليات يومك يفضل تشتري لك سناكات لان ممكن يكون يومك طويل فتحتاج تشحن نفسك من وقت لوقت .. واشرب مويه ..
- بالنسبة لسفرتي انا مشيت فيها كثير كثير .. اغلب الايام كنت اتخطى فيها 15 كيلو مشيا على الاقدام .. هذا لا يعني اني ما كنت استخدم المواصلات العامة .. الا وحللتها .. لكن برضو الاماكن كثيرة ولو تتمشى بس بتحصل فعاليات متنوعة عن طريق الصدفة .. والبعض الفعاليات تجسد لك معنى محاسن الصدف xDDD ..
- تذكر ان تسترخي في الحدائق وان تتنفس هواء نقيا .. نعم انه اوكسجين اليابان .. ترى يختلف عن حقنا xD ..
- نكهات الشاي الاخضر قد تكون خدعة xD .. بالنسبة لي ما اعجبني الطعم .. لكن بتشوفه منتشر بكثره عندهم .. لا بأس جرب واكتشف بنفسك لان المسألة ذوقية xDD ..
- يفضل ان فعالياتك تبدأها مع الصباح الباكر .. تطلع قبل الزحمات .. توصل وجهتك او مكان قريب منها .. اشتر قهوتك وحل على الصباح .. استمتع بالاجواء والطرقات والمارة .. تنفس واسترخي تنفس واسترخي ..
- لازم تسوي هذي الفعالية مثلي .. اللي هي انك توكل الطيور من يدك .. حمام عصافير او ايا كان xDD ..
- بالنسبة لي ما راح انصح العوائل يروحون لليابان لانها قد تكون مكلفة على مستوى العائلة العائلة .. اما اللي الله فاتحها عليه فلا بأس .. والله يرزقنا جميعا ..
- هذي نقطة مهمة جدا للاوتاكو .. اذا شفت شغلة تسوى فغر او ستاند او ميدالية كبيرة او اي شيء انت تحبه جدا .. حاول انك لا تؤجل شراءها الى وقت لاحق .. يفضل تاخذها في وقتها .. لان السياح كثيرين وفيه امور كثيرة تخلص .. الفغرات متوفرة بكثرة بكثرة لكن ليس لكل الاعمال للاسف .. قد لا ترى شخصيتك المفضلة او حتى عملك بشكل عام .. لان فيه تركيز اكبر على عدة اعمال لن اذكرها حفاظا على بعض المشاعر .. بالنسبة للفغرات كما ذكرت منتشره لذلك ان كنت حاب تشتري من الاعمال المتوفرة بكثرة في المتاجر بقول لك قارن بين الاسعار لان ممكن تحصلها بسعر اقل في متجر اخر .. ولو كانت فغرات العمل نادرة ففرصة مقارنة الاسعار قد تكاد معدومة .. سجل اسماء المحلات في حال حبيت تقارن ..
- الفغرات المعروضة في وسط مربعات زجاجية ومسعرة من الفانز نفسهم -الغرض منها اعادة البيع- غالبا اغلى من الفغرات الجديدة الموجودة في كراتينها xDD .. وتأكد من جودة الفغر قبل شراءه ..
- لا تستعجل للذهاب الى اليابان .. بعد اعداد خطتك .. ادخر مبلغا محترما للرحلة ودلع نفسك xD ..
- بعض التصورات اللي ماخذها اتجاه بعض الفعاليات قد تكون -تصوراتك- اكبر من واقع الفعالية نفسها -خيالاتنا تفوز- .. لذلك لا تنصدم ويخيب املك .. استمتع xDD ..
- لما تتيسر كل امورك ويتم الموضوع .. احمد الله على التمام والتوفيق ..
- هذا اللي طلع معي الان .. ايه صح جرب نكهة ايس كريم الفانيليا بالكوكيز يجي منها ولا تنسى تصور لي xDD ..
// اخيرا اذا عندك اي سؤال تعال لي في السناب: its-scarlet
Meet
