أحزنت الطروق..!؟

خانت إيدك قبل لا يخون الخفوق

يوم أفلتّ الأصابع من .... يدي

ليت تدري غبت وأتلفت .. العروق

ولا يزال الجرح مفتوح ... وندي

ذكرياتك ..كل ما أغفي .. تفوق

تنغز ضلوعي وتذكرني .. بردي

لي مع الأوجاع مجموعه حقوق

والمحاكم عاجزه عن .. مقصدي

ودي أسجن كل من يشرع ببوق

بسمتي وأفديه لأوجاعي ..فدي

وودي بأعوام .. مافيها .. عقوق

قبل تسع سنين فيني ... تبتدي

كانت أحلامي على الغيمه تفوق

وكانت حلومي تونس ... مرقدي

مو مثل هالحين احزنت ..الطروق

و كل طاروقٍ من أحزاني .... ندي

صالحة الزهراني ..!!