فكره.. 1\10

لو ربنا فضل غضبان علي وبعد اما اتخرجت فضلت ف مصر بعد الشر ايا كان مجالي ف الدراسه , طالع ف دماغي اعمل مكان , خلينا نقول قهوه عشان نبسط الموضوع , لاكن مش قهوة عاديه , عشان تدخل لازم يكون عندك اشتراك الاشتراك ممش بيكون بمقابل مادي , لا لازم تعدي علي اختبار , الفكره ان اول مرحله ف الاختبار هتكون هدومك ممنوع دخول الاوان الفاتحه المتعبه للعين ممنوع الكابات المبهرجه الترتر والخرز والاشكال الغريبه والخ.. ممنوع البناطيل الغريبه الششكل محدش هيدخل ب بترينه حظاظات و12 خاتم و7 سلاسل ف رقبته .. , تاني مرحله بندخل ف قياس مستوي تفكيرك , ودنك الموسيقيه , بنحطك ف مواقف وبنخيرك هتعمل ايه و علي حسب اختياراتك بتاخد ريتينج بنشوف البروفايلز بتاعتك ع السوشيال ميديا ومنها نحدد نوع شخصيتك وطريقه تفكيرك وهل المكان مناسب ليك ولا لا ,تالت مرحله بتقول موهبتك وتبتدي تعرضها , ودي مرحله مش مطلوبه دايما بس لو موجوده خير وبركه المكان هيكون فيه 4 اركان اصحاب الاذان الموسيقيه الي هيعدو من باقي الاختبارت وهتكون مزيكتهم نضيفه ف ركن واحد متقسم طربيزات كل طربيزه متحوطه بأئزاز وفيها سبيكر صغير يسمع كل الطربيزه ومفيش صوت يطلع برا عشان الازا , هيكون فيه زي ابلكيشن للمكان كل الي كونكت ب الشبكه يقدرو يبعتو لبعض اغاني وتراكات حتي لو ميعرفوش بعض , الركن التاني لأصحاب المواهب الي لفيلاتهم عاليه ف اي مجال هيساعدو الي اقل منهم ده في اوقات فراغ الطرفين الي معظمنا بيقضيه ع "القهوة" ده ف مقابل ان الريت بتاعك يعلي , واخر كل سنه اصحاب اعلي ريت بياخدو جايزه حتي لو كانت بسيطه من باب رفع الروح المعنويه والتشجيع علي انهم يكملوا الركن التالت وده هيكون شبه قهوة , اماكن للقعاد مع ديكور هادي واضائة مناسبه للتصوير , وكام مرايه وكل حاجه ممكن تتشرب موجوده , الركن الرابع هيكون قاعه , اصحاب المواهب كل اسبوع هيعملو عرض حتي لو مدته نص ساعه وكل الي هيحضرو يقدرو يعملو تقييم للفريق ده واخر الشهر التيم صاحب اعلي تقييمات الريت بتاعه بيعلي , ونفس الحوار بتاع اخر السنه بياخدو جوايز الحوار كبير فشخ كبير زياده عن اللزوم , بس ده مكان احلامي , متخيل مجموعه من الناس المتشابهة ف الافكار والاذواق والمواهب ف مكان واحد ؟ محدش فيهم عنده نقص من جوا محدش عايز يشوف نفسه علي التاني , محدش الغرور بيسوقه ويتغر ع التاني عشان عارف اننا من طين واخرتنا طين , مش مضطر تتهرب من حد عشان هزاره بيأذيك نفسيا , كله عنده نفس مشاكلك وكله بيحس بيك لو قاعد لوحدك ف انت حاسس انك ف بيتك , تقدر تعمل كل الي انت عايزه بمقابلات ماديه بسيطه مش شرط تكون ثري او معاك فلوس مش عارف توديها فين عشان تنعزل عن العالم او عشان تتعامل مع ناس شبهك كله داخل المكان عشان يهرب من واقعه الي برا والناس الي مش بترحم حد حتي لو ماشي ف حاله كافي خيره شره ,لو المكان ده اتعمل هنوفر كتير فشخ علي ناس مش لاقيه ملجأها , ثقتي ف ربنا اني هوصل مش هتخيب بأذن الله..

مفيش حد مش محبوب , مفيش حد ملهوش صحاب , الجدعنه ف كل مكان , انت بس متبصش تحت رجليك وخلي ثقتك ف الله تغلب اي حاجه.. وبس كده, يتبع...