ع لسان واحد ومراته فاتحين محل كشري
والناس قدامهم واقفين جعانين طالعين يرضيك من المصنع عشان ياكلوا
ميحلاش الخناق إلا ف الوقت ده وأسمع يا استاذي القارئ ..
خالتك فادية .......هو احنا مش هننفض من المحروق اللي انت شايله ده
زوجها العزيز .......انتي عايزة ايه ف سنتك دي بقي
خالتك فادية .........بقي يا راجل مبتقومش تعمل معايا حاجة. قاعدلي ع النت من صباحية ربنا ع الفيس بوك بوك ايه اللي انت قاعد لي عليه ده
زوجها ......اسكتي بقي يا ساتر ده انتي نكدية والله لأخد العجلة وامشي وأسيبك لوحدك
خالتك فادية ...... روح ما انت اناني ومش عايز غير نفسك انا هارية نفسي عشانك وعشان عيالك ومحدش تمران فيه
وتسدل الستار ع نعت كل منهم بصفته الثابته
أحداث بسيطة ممكن نعديها ونقول عادي بتحصل بس الواقع بيقول غير كده
الواقع بيقول ان فعلا ف حالة خلل موجودة ف الأسرة المصرية بصفة عامة
ف استهتار بحقوق الغير
ف ان الفراغ اللي ف حياة الناس زاد أكتر من الأول ف ان دخول النت والسمارت فون بقي اكبر كارثة ع صعيد الستات والرجالة الي جانب المسلسلات الهندي اللي واكلة عقل أكتر أمهات مصر
فى جزء ناقص #مودة ناقصة .....بعد عن ربنا وعن كل اللي بيقربنا منه ....بعد عن الود اللي بين الناس اللي بالفعل اتعدم
كان ممكن الاتنين دول يبقي حوارها مختلف تماما عن كده
مثلا ده جارهم ده عيان بيرتبوا لزيارتة
ولا أخته اللي قاعده ف بلد تانية عايزين يروحوا لها
ولا ابنهم الكبير عايزين نجيب لابنه هدوم للشتا داخل عليه وظروفه صعبه حبتين
#فوقوا من الغفلة اللي بقينا فيها
ده كده مع الكبار
ما بالكم بجيلنا اللي خلاص مبقاش عنده ذكريات حلوة يحكيها
#كانت نظرة تأمل ف أحوال ناس
سلام👋واكيد للحديث بقية
