فن النصيحه ❤
...
كلنا نحب النصيحه كلنا نحب اللي يوجهنا ويرشدنا للخير للطريق الصح، لأن ماينصح الا المُحب، بس هل فكرت/ي كيف مُمكن اخلي اللي انصحه يتقبّل النصيحه بِسعه ورحابة صدر وافرّحه؟ ايوه افرّحه حاجات بسيطه تخلي النصيحه صح 👍 النصيحه اللي فعلاً نسمّيها نصيحه، اول حاجه خلّ فبالك ونيتك انك تحب الخير لغيرك ابدأ نصيحتك بحب، كونك مُسلم اعزّك الله بالاسلام ما ترضى الغلط على اخيك المسلم فعشان كذا ابدأها بحب وياحبّذا لما تكون النصيحه طالعه من قلب النصيحه الصادقه بكلماتها، ثاني شيء وانت تنصح ابتسم ، ايوه ابتسم ! لأن ماينفع تنصح وانت معبّس وجهك وتخاصم وعصبي وكأنه غصب ! عُمرها ماكانت النصيحه كذا اصلاً ما تتسمى نصيحه! لا تقلل من قيمة الشخص اللي تنصحه بالعكس شجّعه ارفع من قيمته ومعنوياته قوله "انت كويس وبطل بس فيه حاجات بسييطه غلط لانك ولاني مسلم احب لك الخير زي ما احبه لنفسي، وانت بطل وتقدر تتغلب عليها." وزي ماقال حبيبنا محمد عليه افضل الصلاة والسلام "فليقُل خيراً أو ليصمت". ، مهما كان الانسان طاغي ويغلط وقلبه قاسي بالكلمه الطيّبه يستجيب بالكلمه الطيبه يسمع ويلين قلبه بالاسلوب الراقي ينتبه لغلطه ويصححه في النهايه هو بني آدم زيه زينا محتاج للكلمه الطيبه ، و"الكلمة الطيبة صدقة" ، آخر حاجه ياحبذا يا حبذا ياحبذا لما تبغى تنصح نصيحه صح ! خلها بينك وبينه ماينفع تنصحه قدام الملأ لا تفضحه ! لا تشهربه لا تقول لفلان وفلان !!! غلط غلط غلط انتبه. ! حاجات بسيطه وسهله غافلين عنها مُمكن تغيّر في اشخاص !
ختاماً: ادعَ/ي لنفسك ولغيرك بالهِدايه والصلاح (حب لأخيك ما تحب لنفسك )..
- اللهُم اهدني واهدبي واجعلني سبباً لمن اهتدى.
