بتعتبر الأحلام الجنسية واحدة من أكتر أنواع المشاكل اللي بيعاني منها كتير من الناس، وعلى الرغم من انها من احلام طبيعية الاّ انها بتخلي الشخص يحس بالقلق والتوتر لما يصحي من النوم، علي أساس أنه خايف لحسن يكون كونه بيحلم النوعية دي من الإحلام أنه يكون عنده مشاكل جنسية، لكن العلماء أكدوا أن النوعية دي من الأحلام بتحصل خلال النوم بطريقة خارجه عن إرادة الشخص، رغم أن بعض الرجاله بيحسوا بالإحراج منها .
أسباب الأحلام الجنسية
قبل ما نتكلم عن الطرق اللي ممكن نتبعها عشان نتخلص من الاحلام الجنسية، لازم نتكلم الأول عن السبب ورا النوعية دي من الأحلام، خصوصاً لوان الاحلام دي بتيجي للشباب اللي في مرحلة المراهقة واللي بتبدا مع سن البلوغ لما الشخص يبدأ يكتشف نفسه وشهوته الجنسية.
وعلى الرغم من إن المحللون النفسيون مش بيتحفّظوا عن أنهم يقولوا مصادر النوعية دي من الأحلام ودوافعها، لكنهم قالوا ان النوعية دي من الأحلام مش بتيجي صدفة، لكنه بتيجي بسبب رغبة جنسية مكبوته، الأحلام دليل على خيال الحالم الواسع أو دليل قدرته على أنه يتخيّل سيناريوهات عشان يشبع رغبات غير واعية زي ما قال بحسب فرويد، وبالتالي بتعتبر الأحلام الجنسية مخرج لإفراغ المشاعر المكبوتة وتلبية الإحتياجات الجنسية اللي مش قادرن ينفذوها في الحقيقة.
حسب المحللين النفسانيين الاحلام الجنسية اللي بتحصل ليها دوافع وهي مش مجرد فعل ملوش مصدر اوملوش مسبب وغالبا ما بتيجي الاحلام كل الاحلام مش الجنسية بس لما يدخل الشخص النائم لمرحلة النوم الخفيف والمعروف ان النوم بيتوزع على دورات بمعدل 90 دقيقة تقريبا ومن بين الاحلام اللي ممكن نحلم بيها هي الاحلام الجنسية وزي ما قلنا قبل كده بتبتدي تظهر في فترة المراهقة سواء للبنات أو الولاد بس بيكون خلال النهار اتعرضوا لحاجه اثارت مشاعرهم الجنسية زي مثلا بنوته حلوه شافها أو شاب وسيم عاكسها وغيرها أو مشاهد جنسية خفيفه زي اللي بتيجي في الأفلام .
الاحلام الجنسية بيفسرونها ويقسمونها الى قسمين أحلام من النوع اللي مش بيعدي مرحلة ممارسة جنسية وبيكون عبارة عن ملاطفة ومداعبة بس والنوع او القسم التاني بيصنف علي أنه انعكاس لرغبة ممارسة الجنس، والنوع الأول بيعبر علي إن الشخص بيعاني من كبت جنسي أو نفسه يمارس العلاقة الجنسية في حياته العادية مش في الحلم، الخلاصة بتقول إن الأحلام الجنسية امر طبيعي جزء من المنظومة الحياتية للشخص ومفيش منها خوف، أما بخصوص التفسير الدقيق للاحلام الجنسية فا مفيش اي شخص ممكنيقد يقوم تفسير الأحلام، لكن فيه اللي ربنا رزقة بموهبه تفسير الأحلام بشكل عام زي ابن سيرين .
إزاي نمنع الاحلام الجنسية
- الاسترخاء:
ما ينفعش ندخل ننام وأنا متوترين، لأن ده بيزود فرصتنا في أننا نحلم أحلام جنسية، من الأفضل أننا نحاول نسترخي ونتخلص من التوتر الأول قدر الامكان قبل النوم وبعدين ناخد كفايتنا من النوم، كمان ممارسة الرياضة مهمه بس تكون بشكل منتظم.
- النوم على الظهر:
يعتبر النوم على الظهر وأننا نلبس لبس واسع مش ضيق شئ مستحب لما نيجي ننام دا برضه ممكن يساعد في أنه يقلل من فرص الأحلام الجنسية.
- أبعد الأفلام الجنسية:
اللي بيحلم أحلام جنسية كتير، ممكن يكون عنده مشكله انه بيتفرج علي أفلام جنسية كتير بالنهار أو قبل ما ينام ،فا عشان نقلل من فرصه الأحلام اللي من النوعية دي من الأفضل أننا نبعد عن الأفلام أو الصور المثيرة.
- مارس علاقة صحية:
يجب على الشخص اللي بيعاني من مشكلة الأحلام الجنسية أنه يحاول يمارس علاقة جنسية صحية بشكل كامل طبعا في الإطار الشرعي ليها، عشان يقلل من حاله الكبت الجنسي اللي بيعاني منها وبتأثر علي أحلامه.
