بسم الله الرحمن الرحيم 
عيني ياللي من الفرقى تهل وتعبّر
ناموا الناس وانتي يا عيوني حزينة
قمت أهوجس بليلي يا هلي واتفكّر
من تولع بحب البيض يكثر ونينه
شفت برق ينوض وقلت ذا الوسم بكّر
وأثره ذاك الحبيب يوم يوضي جبينه
خمسة أيام يالمجمول عيت تقزر
ما كن الدهر مرت علينا سنينه
عقب ولف المودة كن خلي تنكر
ازهمه بالجواب وكن هرجي رطينة
صاحبي وإن طلبته حبة ما تعذر
وإن طلبته وعيا فحوبتي بتحينه
هيه يابو نهيد في الحشا ما تكسر
مثل وصف الزبيدي ما لهجها جنينه
يوم شفت الحبيب يلتفت ويتدنجر
ذكروني الحمام بمشيته مع زنينه
خطر السطح من ممشى عشيري يتهصر
يالله إنك تعينه من ردوف تهينه
كن ريق الحبيب فيه عسل وسكر
أو حليب من المسح البكار السمينة
يوم قفا وليفي قلت أنا الله أكبر
بنفارق عشير ديننا مثل دينه
قصّر القلب من طرد المزايين قصّر
كود يلقى عشيره أو عساه أو قمينه
وذبحني الصبر وأنا عليه اتصبر
حسبي الله على اللي حال بيني وبينه
صاحبي لا شمال ولا جنوب يذّكر
لا سكن في القرايا ولا نزل في القرينة
منقول ولكن لا اعلم الشاعر
